ՀՀ նախագահ Արմեն Սարգսյանի հրամանագրով Վլադիմիր Կարմիրշալյանը նշանակվել է Իսպանիայի Թագավորությունում ՀՀ դեսպան: Այս մասին հայտնում են ՀՀ նախագահի պաշտոնական կայքէջից:
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի.
Վլադիմիր Կարմիրշալյանին նշանակել Իսպանիայի Թագավորությունում Հայաստանի Հանրապետության արտակարգ և լիազոր դեսպան (նստավայրը՝ Մադրիդ)»:
Ներկայացնում ենք Վլադիմիր Կարմիրշալյանի կենսագրական տվյալները.
Ծննդյան թիվ և վայր՝ 1952թ․ մարտի 2, ք․ Էջմիածին
Կրթություն՝ Մոսկվայի Միջազգային հարաբերությունների պետական ինստիտուտ (1970-1974 թթ.) և Մոսկվայի պետական համալսարան(1974-1976 թթ.)
1991թ. գերազանցության դիպլոմով ավարտել է Մոսկվայի դիվանագիտական ակադեմիան:
Աշխատանքային գործունեություն՝
1976-1977 թթ. աշխատել է Մոսկովյան Նովոստի լրատվական գործակալության Երևանյան գրասենյակում և Արմենպրես գործակալությունում:
1977-1978թթ․ ՀԽՍՀ արտաքին գործերի նախարարության Քաղաքական տեղեկատվության բաժնի երկրորդ քարտուղար
1978-1985թթ.արտաքին գործերի նախարարի օգնական
1985-1989թթ. Դանանգում ԽՍՀՄ Գլխավոր հյուպատոսարանի հյուպատոս
1990թ. հունիսին ԽՍՀՄ ԱԳՆ-ի կողմից չորս ամսով գործուղվել է Արգենտինայում ԽՍՀՄ դեսպանություն՝ ակադեմիայի ավարտական թեզը պատրաստելու և այն ավարտելուց հետո Արգենտինայում դիվանագիտական աշխատանքը շարունակելու նպատակով:
1991-1992թթ․ ՀՀ արտգործնախարարության Առաջին քաղաքական վարչության պետ
1992-1994թթ. ՀՀ ԱԳՆ Լատինական Ամերիկայի երկրների վարչության պետ
1994-1995թթ. ղեկավարել է ՀՀ ԱԳՆ Միջազգային կազմակերպությունների վարչությունը:
1995թ. նոյեմբերին նշանակվել է ՀՀ ԱԳՆ-ի և ՄԱԿ-ի Հայաստանյան գրասենյակի կողմից ստեղծված Ժողովրդավարության եւ մարդու իրավունքների կենտրոնի գործադիր տնօրեն, այնուհետև՝ գլխավոր տնօրեն:
1998-2000թթ. ՀՀ արտաքին գործերի նախարարի խորհրդական՝ մարդու իրավունքների հարցերով
1998-2000թթ. ՀՀ նախագահին առընթեր Մարդու իրավունքների հարցերի հանձնաժողովի անդամ
2000-2006թթ. Դանիայի, Շվեդիայի, Նորվեգիայի Թագավորություններում եւ Ֆինլանդիայի Հանրապետությունում (նստավայր՝ Երևան) ՀՀ դեսպան
2006-2012թթ․ Ուրուգվայում, Չիլիում, Արգենտինայում ՀՀ դեսպան (նստավայր՝ Բուենոս Այրես)
2013թ-ից ՀՀ ԱԳՆ հյուպատոսական վարչության պետ
Օտար լեզուներ՝
Ռուսերեն, անգլերեն և իսպաներեն
Ընտանեկան կարգավիճակ՝
Ամուսնացած է, ունի երկու երեխա:
