- Ինքնուրույն ուտել: Իհարկե, ծնողների համար ավելի հեշտ է անձամբ կերակրել երեխաներին, որպեսզի արագ լինի, նրանք չկեղտոտվեն, սակայն երեխան միայն ինքնուրույն ուտել սովորելով է ի վերջո ինքնուրույնանալու:
- Ձեզ օգնել: Որքան հաճախ ենք երեխաներին ասում` տեղի դիր, կկորտես, կթափես եւ այլն: Իսկ մի քանի տարուց բողոքում ենք, թե երեխան ոչինչ չի ցանկանում անել: Թույլ տվեք նրան փոքրուց սովորել օգնել ձեզ:
- Ինքնուրույն նկարել ներկերով: Վախենալով, որ երեխան կարող է ներկոտել ողջ տունը` դուք նրան արգելում եք մեծացնել երեւակայության սահմանները:
- Հանվել տանը: Դուք վախենում եք, թե նա կհիվանդանա, սակայն կես ժամ մերկ կամ ոտաբոբիկ վազվզելուց երեխան չի հիվանդանա, թույլ տվեք նրան հանգստանալ հագուստից:
- Գոռալ, թռվռալ ու վազվզել տանը: Դուք հոգնում եք աղմուկից, բայց դրանով թույլ չեք տալիս նրան արտահայտել իր էմոցիաները, ստիպում եք ներփակվել:
- Մանկական այգիներում սպորտային կոմպլեքսների վրա բարձրանալ: Մի վախեցրեք նրան, ասելով, թե վայր կընկնի, այլ ինքներդ սովորեցրեք դժվար տեղեր բարձրանալ, որպեսզի նա փոքրուց կոփվի:
- Ջրի հետ խաղ անել: Ծնողները վախենում են, թե երեխան կմրսի, կհիվանդանա, այնինչ դա իր համար երեւակայության եւ նոր գիտելիքների աղբյուր է:
- Դիպչել այնպիսի իրերի, որոնք կարող են կոտրվել: Ոչ թե արգելեք, այլ սովորեցրեք զգույշ լինել, չէ-որ երեխային պետք է ամեն նոր բան` կյանք մուտք գործելու համար:
- Սեփական կարծիքն արտահայտել: Մի ասեք երեխային` ես ավլեի լավ գիտեմ, թե որն է ճիշտ: Նա անհատ է, եւ պետք է սովորի լինել անհատ, ձեւավորել սեփական կարծիքը:
10. Մուլտֆիլմեր դիտել: Իհարկե, ժամանակակից մուլտֆիլմերի որակը իդեալական չէ, սակայն երեխան պետք է դիտի ժամանակակից մուլտֆիլմեր, որոնք դիտում են իր հասակակիցները: Կարող եք մուլտֆիլմի առանձին մասերն արգելել դիտել, բայց ոչ ամբողջը:
