Ավագանու անդամների միջև տարբերակում չկա ու չի էլ եղել, լրագրողների հետ զրույցում ասաց Երևանի քաղաքապետ Հայկ Մարությանը։
«Ընդամենը ավագանու անդամները պետք է իմանան իրենց լիազորությունները, քաղաքապետի լիազորությունները և քաղաքապետարանի լիազորությունները», - ասաց նա։
Հայկ Մարությանը նշեց, որ մաքուր Երևան պարտադիր լինելու է։
«Եվ մենք դրա ճանապարհին ենք», - ասաց նա։
Քաղաքապետը ևս մեկ անգամ ասաց, որ «Սանիթեք» ընկերության աշխատանքից գոհ չէ, սակայն նշեց, որ տուգանելուց հետո մի փոքր աշխատանքը լավացել է։