Քաղաքապետարանը աղբահանության գերխնդիրը լուծելու համար պատրաստ է գնալ օրենքից բխող ցանկացած քայլի: Այս մասին ArmDay.am-ի հետ զրույցում ասաց քաղաքապետի մամլո խոսնակ Հակոբ Կարապետյանը՝ անդրադառնալով «Ժամանակ»-ի՝ Երևանի քաղաքապետարանը կարծես թե մտադիր է խզել «Սանիթեք» ընկերության հետ կնքած պայմանագիրը, և Երևանի աղբահանության գործը ինքնուրույն կազմակերպելու լուրին:
««Սանիթեք» ընկերության հետ պայմանագիրը թույլ է տալիս որոշակի դեպքերում լուծարել պայմանագիրը վաղաժամ, սակայն քաղաքապետարանը այդպիսի որոշմում չունի, նման որոշման համար հիմքեր չկան»,-ասաց նա:
Կարապետյանը նշեց, որ «Սանիթեք»-ը չի կարողանում ինչ-ինչ պատճառներով աղբահանությունը կազմակերպել և հայտնվում են ճգնաժամի առաջ և քաղաապետարանը ստիպված է լինում ինչ-որ մասնավոր ընկերությունների կամ անհատների միջոցով այդ ճգնաժամից դուրս գալ:
«Սանիթեք»-ը իրավական առումով գործի միակ կազմակերպիչն է, միակն է, որը ունի այն գործիքները, որոնցով կազմակերպվում է աղբահանութունը: Այս պայմաններում քաղաքակապերանը կարծես ականների միջով է գնում, որպեսզի և հնարավորինս արագ իրականացնի այդ գործընթացը և որպեսզի գործընթացը չպայթի և ավելի վատ հետևանքների չհանգեցնի:Եթե մի քանի օր աղբը չի հավաքվում, քաղաքը կանգնում է ճգնաժամի առաջ»,-ասաց քաղաքապետի խոսնակը:
Կարապետյանի խոսքով՝ քաղաքային գործող իշխանությունը հակված է, որպեսզի, փաստացի, երկրորդ օպերատորը դառնա Երևան համայնքը:
«Մենք տեսնում ենք, երբ հրատապությունից դրդված՝ մեկ անձից գնում է կատարվում, հանրության մոտ հարցեր են առաջանում, թեև ամեն բան արվում է օրենքի սահմանում»,-նշեց նա:
Հարցին, թե քաղաքում թափված աղբը համարո՞ւմ են ինչ-որ մեկի ձեռքի գործը, կամ դիտավորություն, Հակոբ Կարապետյանը նշեց, որ հակված չեն նման կարծիքի, սակայն չեն էլ բացառում:
