Շրի Լանկայի իշխանություններն ապրիլի 22-ին ահաբեկչական գործողություններով պայմանավորված գործի շրջանակում ձերբակալել են ևս 5 անձի: Ձերբակալվածների թիվը դարձել է 29: «Արմենպրես»-ի հաղորդմամբ՝ ՏԱՍՍ գործակալությունը տեղեկացնում է, որ ավելի վաղ տեղական իշխանությունները հայտնում էին 24 ձերբակալվածի մասին:
Նոր ձերբակալությունների մասին տեղեկությունը եղավ այն ժամանակ, երբ Կոլոմբոյում զինվորականները վնասազերծել են պայթուցիկ սարք, որը տեղակայված էր բեռնատար ավտոմեքենայի մեջ ՝ կայանված Սուրբ Անտոնիա եկեղեցու հարևանությամբ:
Շրի Լանկայում ապրիլի 21-ին իրականացված մի շարք պայթյունների հետեւանքով զոհվածների թիվը հասել Է 290-ի, վիրավորների թիվը շուրջ 500 Է: Ապրիլի 21-ին մի շարք պայթյուններ են որոտացել եկեղեցիներում զատկի արարողությունների ժամանակ, հյուրանոցներում, ինչպես նաեւ մայրաքաղաքի կենդանաբանական այգու մոտ եւ Դեմաթագոդայի շրջանում: Վերջին տվյալներով՝ զոհվածների թվում եղել են Դանիայի, Ճապոնիայի, Պակիստանի, Մարոկոյի, Հնդկաստանի, Բանգլադեշի, ՉԺՀ-ի, Նիդեռլանդների, ԱՄՆ-ի, Թուրքիայի եւ Մեծ Բրիտանիայի քաղաքացիներ:
