Չիկագոյի Հյուսիսարևմտյան համալսարանի պրոֆիլակտիկ բժշկության դեպարտամենտի գիտնականները հայտարարել են, որ մեկ ձվի մեջ խոլեստերինի պարունակությունը մոտ 186 մգ է, ուստի 3-4 ձվի դեպքում խոլեստերինի պարունակությունը հասնում է 550-750 մգ:
Խոլեստերինի այս քանակությունը կարող է մեծացնել սրտի հիվանդությունների առաջացման վտանգը, ինչը մի քանի տոկոսով մեծացնում է վաղաժամ մահվան հավանականությունը:
Փորձագետները կարծում են, որ նորմայից ավել օգտագործվող ձվի յուրաքանչյուր կեսը շուրջ 1,1%-ով մեծացնում է որոշ հիվանդությունների առաջացման հավանականությունը։
Փորձագետները վերլուծել են 29 հազար մարդու առողջական տվյալները, ապա ուսումնասիրել նրանցից յուրաքանչյուրի սննդակարգը և պարզվել է, որ հիմնականում խոլեստերինն առկա է հատկապես ձվի մեջ, ուստի դրա չարաշահումը կարող է վտանգավոր լինել։
Աղբյուր՝ Բուժ ինֆո