Շիրակի մարզի Մանթաշավան գյուղում ապրող բազմազավակ ընտանիքն անտուն է մնացել: Armday.am -ի հետ զրույցում Կատյա Խաչատրյանը պատմեց, որ ամուսինը հրդհել է տունը և ինքն ու վեց երեխան գնալու տեղ չունեն:
Կատյայի խոսքով՝ամուսինը, վերջերս սկսել է չարաշահել ալկոհոլը ու նաև հոգեկան խանգարում է ձեռք բերել: Մինչ տունը հրդեհելը սկսել անհարգալից պահել բոլորի հանդեպ, ծեծել է կնոջը: Բազմազավակ երեխաների մայրը դիմել է Մանթաշավանի համայնքապետին, որպեսզի կացարան տրամադրի, սակայն համայնքապետը մերժել է՝ասելով, որ միջոցներ չկան և նրա նման ընտանիքներ շատ կան համայնքում:
Կինը, ով տան հրդեհից հետո բաժանվե է ամուսնուց, երեխաների հետ ստիպված վերադարձել է հայրական գյուղ, սակայն հայրական տանը չի մնացել, քանի որ ընտանիքը բազմանդամ է, և անհնար է համատեղ ապրել:
Նա օգնության ձեռք է խնդրել Շիրակավանի համայնքապետից, և համայքնապետը նրանց ժամանակավոր կացարան է տրամադրել, որպեսզի բաց երկնքի տակ չմնան: Հին տանից, ոչինչ չի մնացել, ո՛չ սնունդ, ո՛չ հագուստ. ամբողջն այրվել է:
Մեր հետ զրույցում, ՝ Կատյա Խաչատրյանը պատմեց, որ ամուսինը նման վիճակում է հայտնվել ծնողներից մահից հետո: Մինչ այդ, հարգալից, աշխատասեր ամուսին է եղել:
Տասնչորս տարվա համատեղ ամուսնությունից հետո բաժանվել են, վեց երեխաները առանց հոր են մեծանում,ավագ երեխան տասներեք տարեկան է, փոքրը՝ ՝ երեք ու կես:
Մայրը նշեց, որ երեխաներն առողջական խնդիրներ չունեն, դպրոց են հաճախում, միայն թե, ապրելու համար տարրական պայմաններ չունեն:
Շիրակավանի համայնքապետ Սլավիկ Վարոսյանը Armday.am-ի հետ զրույցում նշեց, որ հնարավոր ամեն ինչ անում է ընտանիքին օգնելու համար :
«Խնդրեցի նախկին բնակիչներին՝ թուլ տալ իրենց տանը բնակվեն, որպեսզի ձմռանը , բաց երկնքի տակ չման: Սահմանային կարգավիճակ ունեցող գյուղ է, վատ պայամններ են ապրելու համար»,-ասաց համայնքապետը:
Նրա խոսքով՝ գյուղում շուտով կարի արտադրություն է բացվելու և համայքնապետարանը կմիջնորդի, որպեսզի բազմազավակ մայրը աշխատանք ունենա:
Անտուն մնացած ընտանիքն այժմ գոյատևում է կարեկից մարդկանց շնորհիվ, ովքեր ինչով կարողանում են փորձում են օգնել նրանց:
.jpg)
