Հերթական վանդալիզմը՝ Երեւանում. կրկին ազգային հերոսի անվան զբոսայգում


Հերթական վանդալիզմը՝ Երեւանում. կրկին ազգային հերոսի անվան զբոսայգում
Մարտ 19 11:00 2019

Երեւանում անհայտ անձինք հերթական վանդալիզմն են իրականացրել Նոր Նորք վարչական շրջանի 1-ին զանգվածում գտնվող ազգային հերոս Թաթուլ Կրպեյանի անվան այգում։

Shamshyan.com-ի  փոխանցմամբ, նրանք կոտրել են մի քանի նստարաններ, աղբամաններ, ինչպես նաեւ ողջ սանհանգույցը նորից վերածել են աղբանոցի։ Կոտրել են այնտեղ եղած լվացարաններն ու սանհանգույցները, իսկ ողջ ներսը տիրում է գարշահոտություն։

Հիշեցնենք, որ տարիներ առաջ եւս անհայտ անձը կամ անձինք վանդալիզմ էին իրականացրել զբոսայգում՝ կոտրելով նստարաններն ու այգում կառուցված սանհանգույցները: Կարճ ժամանակ անց Երեւանի քաղաքապետ Տարոն Մարգարյանի կարգադրությամբ այն ժամանակվա վարչական շրջանի ղեկավար Արմեն Ուլիխանյանի գլխավորությամբ ամենը վերականգնվեց, բերվեց նախկին տեսքին, եւ այգին Ա. Ուլիխանյանի կարգադրությամբ վերցվեց թաղապետարանի կանաչապատման բաժնի հսկողության տակ։

 



loading...