«Կանաչ տարածք» չի նշանակում մարդկանց ծեծել. Նաիրա Զոհրաբյանը բռնության մասին ահազանգեր է ստացել

«Կանաչ տարածք» չի նշանակում մարդկանց ծեծել. Նաիրա Զոհրաբյանը բռնության մասին ահազանգեր է ստացել
Մարտ 14 16:05 2019

Ստացա ահազանգ, որ մարդկանց հանդեպ բռնություն է կիրառվում ու որպես ԱԺ-ում մարդու իրավունքների մշտական հանձնաժողովի նախագահ՝ եկա այստեղ, Aysor.am-ի թղթակցի հետ զրույցում ասաց Նաիրա Զոհրաբյանը, ով ԲՀԿ խմբակցության քարտուղար Արման Աբովյանի հետ Ազատության հրապարակ է եկել՝ Օեպրայի հարակից տարածքում տեղակայված սրճարանների ապամոնտաժման դեմ բողոքող քաղաքացիներից դժգոհությունները լսելու:

«Ցավոք սրտի, արդեն չորրորդ կինն է, որ ինձ ցույց է տալիս իր ճանկրտված ձեռքը և պատռված վերնազգեստը: Երբ հարցնում ես՝ ի՞նչ են արել, պատասխանում են՝ ոստիկանին հայհոյել եմ: Եթե ագամ հայհոյել է, դրա համար գոյություն ունի հստակ իրավական կարգավորում, և այդ կարգավորումը չի ենթադրում կնոջը ծեծել, հարվածել քաշքշել: Չի լինելու որևէ բռնություն, թույլ չենք տալու որևէ մեկի հանդեպ որևէ բռնություն», - ասաց Զոհրաբյանը:

Նա նաև ընդգծեց, որ իրենք դեմ չեն կանաչապատմանը, բայց այդ նպատակին հասնելու համար այլ միջոցներ պետք է փնտրել:

««Կանաչ տարածք» չի նշանակում մարդկանց ծեծել: Ի վերջո այստեղ աշխատում են մարդիկ, ովքեր տարիներ շարունակ այստեղ ներդրում են արել: Ո՞վ է հատուցելու այդ մարդկանց», - ասաց նա՝ պնդելով, որ քաղաքապետարանը պետք է երկխոսի սրճարանի սեփականատերերի հետ:

loading...