Օպերայի հարակից տարածքի սրճարանների սեփականատերերը թույլ չեն տալիս քաղաքապետարանի աշխատակիցներին ապամոնտաժել իրենց սրճարանները: Կենտրոն վարչական շրջանի ղեկավարը նրանց հորդորեց չխոչընդոտել աշխատանքներին, սակայն վերջինները թույլ չեն տալիս սկսել ապամոնտաժման աշխատանքները:
Քաղաքապետարանի աշխատակիցների և սրճարանների աշխատակիցների միջև քաշքշուք տեղի ունեցավ: Այստեղ է նաեւ ավագանու անդամ Անի Խաչատրյանը, ով հորդորեց հետաձգել ապամոնտաժման աշխատանքներն ու քննարկել այս հարցը:
Ներկաները պահանջում են հանդիպում քաղաքապետի հետ: