Անգլիական Պրեմյեր լիգայի 30-րդ տուրում Լոնդոնի «Արսենալը» կընդունի Հենրիխ Մխիթարյանի նախկին ակումբ «Մանչեսթեր Յունայթեդին»:
Բուքմեյքերական գրասենյակները լոնդոնյան ակումբի հաղթանակը միջինը գնահատում են 2.40 գործակցով, իսկ մանչեսթերցիներինը՝ 3.00: Ոչ ոքիի գործակիցը 3.60 է:
Մարտի 10-ին կայանալիք հանդիպումը կսկսվի Երեւանի ժամանակով 20:30-ին: 29-րդ տուրից հետո «Մանչեսթեր Յունայթեդը» 58 միավորով չորրորդ տեղում է, իսկ «Արսենալը» հետ է մեկ միավոր: