Մյունխենում Անվտանգության համաժողովի շրջանակում Հայաստանի նախագահ Արմեն Սարգսյանը միջանցքում ջերմ զրույց է ունեցել Բայդենի հետ:
«Ողջույն, պարոն նախագահ, կներեք, Ձեր կողքով անցա»,– ասել է Ջո Բայդենը:
«Դուք չեք կարող իմ կողքով անցնել»,-կատակով պատասխանել է Արմեն Սարգսյանը:
Միմյանց որպիսությունը հարցնելուց հետո արդեն շշուկով Արմեն Սարգսյանը Բայդենին հարցրել է. «Դուք առաջադրելու եք Ձեր թեկնածությունը նախագահական ընտրություններին», ինչին Բայդենը նույնպես պատասխանել է շշուկով։
Ամերիկյան լրատվամիջոցներն այժմ ակտիվ քննարկում են այս դրվագը՝ փորձելով գուշակել Բայդենի պատասխանը։