Արաբական Միացյալ Էմիրություններում հայտնվել է աշխարհում առաջին լողացող սուպերմարկետը:
Սուպերմարկետը ղեկավարվում է հաճախորդների պատվերներով, որոնց շարքում ոչ միայն ծովափի հանգստացողներն են, այլև զբոսանավի և ակվաբայքի տերերը, որոնց արևայրուքի քսուքը, ասենք, վերջացել է, կամ ցանկանում են ուտել և հագեցնել ծարավը:
Պատվերն ընդունում են հեռախոսով կամ բջջային հավելվածի միջոցով, իսկ արդեն 45 րոպե անց ձեզ ամեն ինչ հասցվում է: Լողացող սուպերմարկետում առկա է 3 հարյուր անուն ապրանք:
«Մեր նավն ունի տարբեր գործառույթներ, ոչ միայն վաճառքի: Այն կարելի է օգտագործել նաև ջրում անհապաղ օգնություն ցուցաբերելու համար: Կան փրկարարական նավակներ»,- պատմում է «ջրում սուպերմարկետի» ճարտարապետ Ահմեդ Յուսուֆը:
Բացի այդ, խանութը զինված է ինովացիոն համակարգով, որը մաքրում է օվկիանոսը՝ հավաքելով օվկիանոսի վրա լողացող պինդ մնացորդները, ինչպես նաև ծովի ջուրը վերածում է մաքուր խմելու ջրի: Այն աշխատում է էլեկտրական շարժիչներով:
