Արտակարգ իրավիճակների նախարարությունը տեղեկացնում է, որ փետրվարի 15-ին՝ ժամը 09:00-ի դրությամբ ՀՀ տարածքում կան դժվարանցանելի ավտոճանապարհներ:
Դժվարանցանելի են Վարդենյաց լեռնանցքը եւ Սոթք-Քարվաճառ ավտոճանապարհը (մերկասառույց):
Դիլիջանի ոլորաններում, Կոտայքի եւ Լոռու մարզերում, Արագածոտնի մարզի Աշտարակ, Ապարան, Թալին, Գեղարքունիքի մարզի Սեւան եւ Գավառ քաղաքներում առկա են տեղումներ ձյան տեսքով:
Ձյուն է տեղում նաեւ Երեւանի հյուսիսային շրջաններում, որն արդեն ծածկել է մակերերույթը:
Արագածոտնի մարզի Արագածի, Ապարանի եւ Թալինի տարածաշրջանների ավտոճանապարհներին առկա է մերկասառույց:
Վարորդներին խորհուրդ է տրվում երթեւեկել բացառապես ձմեռային անվադողերով։