«Լիվերպուլի» կիսապաշտպան Մուհամեդ Սալահը ճանաչվել է Անգլիայի Պրեմիեր Լիգայի՝ հունվարի լավագույն ֆուտբոլիստ՝ Պրոֆեսիոնալ ֆուտբոլիստների ասոցիացիայի (PFA) վարկածով: Այս մասին հաղորդում է կազմակերպության Twitter-ի պաշտոնական էջը:
Քվեարկության արդյունքում եգիպտացին շրջանցել է այնպիսի ֆուտբոլիստների, ինչպիսիք են Դավիդ դե Խեան, Պոլ Պոգբան, Մարկուս Ռեշֆորդը (բոլորը «Մանչեսթեր Յունայթեդ»), Տրոյ Դինին («Ուոթֆորդ») ու Լերոյ Սանեն («Մանչեսթեր Սիթի»):
Հունվարին Սալահը մասնակցել է Անգլիայի առաջնության 4 հանդիպման և խփել 4 գոլ: Ընդհանուր առմամբ, ընթացիկ մրցաշրջանում եգիպտացին 24 խաղում 16 գոլ է խփել:
