Երևան համայնքում տնային կենդանիներ պահելու տուրքը սահմանվում է՝ համաձայն «Տեղական տուրքերի և վճարների մասին» ՀՀ օրենքի:
Ընտանի կենդանիներին հարկելու մասին լուրերը դեռևս թեժ քննարկման կիզակետում են:
Մարդկանց մոտ թյուրիմացություն է առաջացել հատկապես այն հարցով, թե որոնք են համարվում ընտանի կենդանիներ:
Այս և այլ հարցերի մասին ArmDay.am-ը զրուցել է «Լույս» խմբակցության ավագանու անդամ Թեհմինա Վարդանյանի հետ:
«Այս հարցերն ինձ բավականին շատ են ուղղել, բայց անկեղծ ասած, ինքս էլ չգիտեմ, թե ինչպես են կատարվել հաշվարկները և սահմանել 5000 դրամ: Չեմ կարող ասել նաև, թե որոնք են համարվում ընտանի կենդանիներ: Եթե թութակը համարվում է ընտանի կենդանի, այդ դեպքում աղավնին համարվո՞ւմ է ընտանի, թե՞ ոչ, այլն: Ինձ համար ևս այս հարցերի պատասխանները բաց են»,-ասաց նա:
Թեհմինա Վարդանյանը մեր հետ զրույցում նաև նշեց, որ պատրաստվում է քաղաքապետ Հայկ Մարությանից պահանջել վիճակագրություն, արդյո՞ք մինչ այս ընտանի կենդանիների համար հարկ վճարել են, թե՝ ոչ:
Նշենք, որ Երևան համայնքում տնային կենդանիներ պահելու տուրքերի մասին դրույթին դեմ են քվեարկել ԲՀԿ և «Լույս» խմբակցությունների անդամները:
