Հանրային հեռուստաընկերության լրատվական-վերլուծական ծառայության բաժնի նորանշանակ տնօրեն Պետրոս Ղազարյանը «կադրային ջարդ» է սկսել: Օրեր առաջ Հանրային հեռուստաընկերության «Lուրերի» թողարկման մեկնաբաններ Մամիկոն Սիմոնյանը, Դավիթ Գրիգորյանը, Մերի Ներսիսյանը և Էսթեր Մեսրոպյանն ազատվել են աշխատանքից։
Armday.am-ի հետ զրույցում Մամիկոն Սիմոնյանը նշեց, որ Պետրոս Ղազարյանը մեկնաբանների իրենց թիմի հետ աշխատելու ցանկություն չի ունեցել:
«Չգիտեմ, դիտավորություն է, թե ոչ, բայց ենթադրում եմ, որ ի սկզբանե նոր ղեկավարը մեկնաբանների մեր թիմի հետ աշխատելու ցանկություն չի ունեցել: Հակառակ դեպքում իր նշանակումից հետո, մեկ ամսվա ընթացքում, գոնե մեկ անգամ կհրավիրեր զրույցի ու կկսիվեր իր տեսլականով, նոր «պատվեր» կձևակերպեր, կքննադատեր, կհանձնարարեր: Վստահ եմ, որ այդ ամենն արվել է, բայց արդեն ոչ մեզ հետ»,-ասաց նա:
Այն հարցին, թե արդարացված է համարում նման որոշումը՝,Մամիկոն Սիոնյանը նշեց.
«Որոշումն արադարացված է թե ոչ, ցույց կտա ժամանակը: Իմ դեպքում միշտ արդարացված է այն, որ ես չպետք է լինեմ այնտեղ, որտեղ իմ կարիքը չկա, որովհետև միշտ կա մեկ այլ տեղ որտեղ ես պահնջված կլինեմ...»:
Ավելի վաղ հայտնել էինք, որ Պետրոս Ղազարյանը բացառել էր, որ իր և աշխատակիցների միջև լարվածություն,անձնական խնդիր կա և շեշտեց, որ ազատումները պայմանավորված են միայն աշխատանքային ֆորմատով: