Հայկական մշակույթը մեռնելու ճանապարհին է. Վազգեն Ասատրյանը ՝ պաշտոնից ազատվելու, մշակութային կյանքի մասին

Երևանի Կարեն Դեմիրճյանի անվան մարզահամերգային համալիրի տնօրեն Վազգեն Ասատրյանին ազատել են աշխատանքից: Թափուր տեղի համար փետրվարի 1-ին տեղի կունենա մրցույթ:  Որպես նոր հավանական տնօրեն,շրջանառվում է Աժ նախագահ Արարատ Միրզոյանի ծանոթի անունը: Այս մասին մանրամասներ իմանալու համար ArmDay.am-ը զրուցել է Վազգեն Ասատրյանի հետ:

-Պրն, Ասատրյան, ինչո՞ւ են Ձեզ ազատել աշխատանքից: Լարվածություն կամ խնդիրներ կա՞ն նոր իշխանությունների հետ:

-Անցյալ տարի հուլիսի մեկին իմ աշխատանքային պայմանագրի երեք տարին լրանում էր: Ընդհանրապես,  լրանալու դեպքում, եթե նամակ չենք ստանում, շարունակվում  է՝ պայմանագրի համաձայն, եթե  սխալներ կան կամ այլ հարցեր, պայմանագիրը խզվում է:  Պայմանագրի ժամկետը լրանալուց երեք օր առաջ ստացա ծանուցում՝ տնօրենի պաշտոնը ազատելու մասին, քանի որ պայմանագիրը ավարտվել էր:

Ես պատրաստվում էի հեռանալ,բայց քանի որ առջևում Ֆրանկոֆոնիայի օրերն էին,  արդեն  յոթ ամիս աշխատանք էի տարել այդ թեմայով, հասկացան, որ Ֆրանկոֆոնյան պրոբլեմատիկ է, և պետք է մակարդակով անցկանցել,հետ կանչեցին, պահեցին, օգտագործեցին Ֆրանկոֆոնիայի օրերն ավարտվեցին դեկտեմբերի 1-ին հանեցին ու պայմանագիրը չերկարացրեցին:

-Ովքե՞ր են թեկնածուները, տեղյա՞կ եք, ի՞նչ կասեք նրանց մասին:  Լուրեր կան, որ Աժ նախագահ Արարատ Միրզոյանը իր ծանոթին՝Ս. Մելիքսեթյանին է ցանկանում տեսնել Ձեր փոխարեն:

-Ո՛չ տեղյակ եմ, ո՛չ էլ ցանկանում եմ իմանալ: Ես չգիտեմ՝ Միրզոյանն ում է ցանկանում տեսնել  իմ փոխարեն:

-Ձեր թեկնածությունը նորից կառաջադրե՞ք:

-Ո՛չ, իհարկե,: Մանկապարտեզում չենք: Ես իմ աշխատանքը երեք ու կես տարվա ընթացքում ապացուցել եմ , որի մասին գիտի ողջ Երևանը:

Ե՛վ հանրությունն է տեսել, և՛ մշակույթի ներկայացուցիչները, և՛ ճարտարապետները, և՛ ՄՀՀ աշխատակիցները: Ես ապացուցելու  բան չունեմ:Քանդուքարափ եղած շենքը, որը կռիվների բուն էր դարձել, վերակենդանացրել եմ:

-Ձեր նշանակումը ո՞ւմ կողմից էր եղել:

-Ես ՄՀՀ-ի բացման օրվանից աշխատել էի  այս կառույցում: 2015 թվականին  ՀՀ ՊՆ նախարար Սեյրան Օհանյանի և փոխնախարար Դավիթ Տոնոյանի կողմից է եղել:

Այդ ժամանակ ցանկանում էին,  նորից վերավաճառել շենքը, և ես առաջարկեցի այն  հանել ՊՆ-ից, և տրամադրել կամ Պետգույքին, կամ Մշակույթի նախարարությանը: Առաջարկս ընդունվեց և ՄՀՀ-ն հանձնեցին Պետական գույքի կառավարմանը:

Նորից ստեղծվեց ՊՈԱԿ-ը և 2016 թվականի մարտի սկզբից սկսեցինք աշխատել,մտանք նորմալ աշխատանքային ռեժիմի մեջ:

-Նեղացա՞ծ եք Ձեզ ազատելու որոշումից: Լուրերը համապատասխանո՞ւմ են իրականությանը, թե պատրաստվում եք լքել  հայրենիքը:

-Ես Երևանում եմ ապրում, երևանցի տղա եմ,չեմ պատրաստվում հեռանալ, սուտ լուրեր են:  Նման լուրեը դիտմամբ են տարածում, որպեսզի ինձ վարկաբեկեն : Պաշտոնից զրկվելն ինձ համար չի կարող հայրենիքը լքելու պատճառ լինել:

-Մշակույթի ներկայիս վիճակի մասին ի՞նչ կասեք:

-Մշակույքը  Հայաստնաում մեռնելու ճանապարհին է:  Վերակենդանացման բաժանմունքում պառկած է:  Չգիտենք՝ դուրս կգա այնտեղից, թե՞ կմնա:

-Նոր  իշխանությունները  Ձեզ հուսադրու՞մ են,  մշակութային կյանքում  քայլ կլինի՞ դեպի առաջ:

-Նոր իշխանությունները պետք է ավելի շատ ուշադրություն դարձնեն  և մասնագետներին ներգրավեն: Եթե պրոֆեսիանոլ , տարիների փորձ ունեցող  մարդիկ չեն ներառվում նմանատիպ պրոցեսների մեջ, առաջընթաց լինել չի կարող: Ես ուրախ եմ, որ երիտասարդներին ճանապարհ է տրվում,  բայց նրանց կողքին պետք է ուսուցիչ լինի, որպեսզի սխալներն ուղղի: Ավագանի բառի իմաստը ավագ լինելն է: Բայց  մեր ավագանիում բոլորը երիտասարդներ են: Նույնը պետք է լինի մշակույթում:  Պետք է ավագ ու պրոֆեսիոնալ սերնդին ներառեն, մինչդեռ նրանց անտեսում են:

-Մշակույթի նախարարի պաշտունում ո՞ւմ եք տեսնում:

-Շատ դժվար հարց եք տալիս: Պետք է լինի այնպիսի մարդ, որ  բացի էստրադային,ջազային, դասական երաժշտությունից, տեղյալ լինի ողջ մշակույթից: Բացի այդ, նա պետք է տեղյակ լինի հայկական արվեստից:

Անուններ չեմ ուզում տալ, սակայն  մեզ մոտ պրոֆեսիոնալներին անտեսում են, քանի որ հավանաբար խանգարում են նրանց: Երեխան, որ ծնվում, է ծնողները մինչև  չափահաս դառնալը կանգնում են երեխայի գլխին:  Մշակույթում էլ այդպես պիտի լինի: Այս քաղաքն էլ ունի իր ծնողները: Մեծերին բոլորին անտեսում են,  ջահելներին են բերել: Կարծես թե, նրանք ամեն ինչ գիտեն, մենք էլ՝ ոչինչ: Մենք գիրք ենք կարդացել, նրանք ամբողջ օրը համակարգչի մեջ են, խոսես՝ կյանքում մի գիրք էլ կարդացած չկան: Այդպես չի կարելի:  Պետք է օբյեկտիվ լինել:

-Նոր աշխատանքի մասին  արդեն  մտածո՞ւմ եք:

-Մենք Ջազ ասոցիացիա ունենք: Արմեն  Հյուսնունցն է, Լևոն  Մալխասյանը, Կամո  Մովսիսյանը և ես:  Կշարունակենք փառատոններ կազմակերպել և այլն:

-Ի՞նչ խորհուրդ կտաք ՄՀՀ-ի նոր ղեկավարին:

-Այդ շենքը շատ պրոբլեմտաիկ շենք է: Պետք է իմանալ, որ պատի միջով ինչ լար է գնում, որ պատը , որ օրը կփլվի, տանիքում խնդիր կլինի: Շատ հարցեր կան: Հեշտ չի լինելու, չսայթաքելու համար տարիների փորձ է պետք: Պետք է չանտեսել  ճարտարապետին: Այդ շենքում ամեն օր գործ կա, պետք քո տնից շատ սիրես, այն շաբաթ, կիրակի չունի:

Կարինե Գևորգյան