Ինչպես հայտնել էինք, Ջրառատի համայնքապետարանում հունվարի 16-ին ծեծկռտուք էր տեղի ունեցել մարզպետարանի երկու աշխատակցի և համայնքի բնակիչների միջև, որի արդյունքում՝ պատանդ էին վերցվել մարզպետարանի երկու աշխատակից: Ավելի ուշ՝ Արմավիրի մարզպետարանը հերքել է պատանդ վերցնելու մասին լուրերը:
Armday.am-ի հետ զրույցում Ջրառատի համայնքապետ Սամվել Գալստյանը նշել էր, որ Տարածքային կառավարաման նախարարությունից ներկայացուցիչներ են եղել համայնքապետրանում և ստուգել ստորագրահավաքի հետ կապված մանրամասներ, որի արդյունքում՝ պարզվել էր, որ ստորագրողներից շատերը չեն իմացել, թե ինչի համար են ստորագրում:
Բնակիչները, սակայն, շարունակում են պահանջել Համայնքապետի հրաժարականը:
Թե որքանով է այս հարցը պատկան մարմինների ուշադրության կենտրոնում, և քայլեր կա՞ն ձեռնարկված այս հարցին լուծում տալու համար, ArmDay.am-ը կապ հաստատեց Տարածքայիմ կառավարման և զարգացման նախարարության հետ:
«Իրավական և մասնագիտական հսկողություն իրականանցնող մարմինը հենց մարզպետարանն է: Համապատասխան հանձնարարական է գնացել նախարարությունից մարզպետարան ՝իրավագիտական և մասնագիտական հսկողությունն իրականանցնելու համար: Մարզպետը հանդիպել է համյանքապետին և բնակիչներին և քննարկել է խնդիրը: Մենք օպերատիվ կապի մեջ ենք, և մեր հսկողության ներքո ենք պահում հարցը»,-ասաց նախարարի մամուլի խոսնակ Արմինե Մուրադյանը:
