Ազգային ժողովի 11 մշտական հանձնաժողովների ընտրության քվեարկությունը տեղի կունենա ԱԺ նիստերի դահլիճին հարակից նախասրահում, ժամը 11.30-ից մինչեւ 13.30-ը: Այս մասին, ԱԺ նիստում հայտարարեց հաշվիչ հանձնախմբի նախագահ Վահագն Հովակիմյանը:
ԱԺ նախագահն էլ հայտարարեց, որ ԱԺ նիստերի դահլիճ կվերադառնան կոչնակով, այսինքն կտեղեկացվի, թե երբ է շարունակվում նիստը: Ինչպես հայտնել ենք՝ ԱԺ 11 մշտական հանձնաժողովներից 8-ի նախագահին առաջադրել է «Իմ քայլը» խմբակցությունը, երկուսին՝ ԲՀԿ-ն, մեկին՝ «Լուսավոր Հայաստանը»:
«Իմ քայլը» խմբակցության կողմից առաջադրվել են հետեւյալ թեկնածությունները.
Առողջապահության և սոցիալական հարցերի մշտական հանձնաժողով - Նարեկ Զեյնալյան
Արտաքին հարաբերությունների մշտական հանձնաժողով – Ռուբեն Ռուբինյան
Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողով – Մխիթար Հայրապետյան
Եվրոպական ինտեգրման հարցերի մշտական հանձնաժողով – Արման Եղոյան
Պաշտպանության և անվտանգության հարցերի մշտական հանձնաժողով – Անդրանիկ Քոչարյան
Պետաիրավական հարցերի մշտական հանձնաժողով – Վլադիմիր Վարդանյան
Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողով – Վարազդատ Կարապետյան
Տնտեսական հարցերի մշտական հանձնաժողով – Բաբկեն Թունյան:
ԲՀԿ-ին բաժին է հասել Մարդու իրավունքների պաշտպանության և հանրային հարցերի մշտական հանձնաժողովը (նախագահի թեկնածու է առաջադրվել Նաիրա Զոհրաբյանը) եւ Տարածաշրջանային ինտեգրման հարցերի մշտական հանձնաժողովը (Միքայել Մելքումյան):
«Լուսավոր Հայաստանից» Ֆինանսավարկային և բյուջետային հարցերի մշտական հանձնաժողովի նախագահի պաշոտում առաջադրվել է Մանե Թանդիլյանի թեկնածությունը: