ՀՀ Կոտայքի մարզի «Հրազդանի բժշկական կենտրոն» ՓԲԸ-ն ՀՀ կառավարության 2011թ-ի հունիսի 10-ի N22 արձանագրային որոշման պահանջների համաձայն հայտարարում է բաց մրցույթ մի շարք թափուր պաշտոններ համալրելու համար:
Ինչպես տեղեկացրին Կոտայքի մարզպետարանից, Կոտայքի մարզպետ Ռոմանոս Պետրոսյանը անհրաժեշտ է համարում մարզային ենթակայության «Հրազդան» բժշկական կենտրոնի՝ լավագույն բժիշկներով համալրումը: Որպես կենտրոնի գործունեությունը վերահսկող կառույցի ղեկավար՝ մարզպետը հորդորել է կոմպետենտ բոլոր մասնագետներին դիմել, մասնակցել մրցույթին և լծվել մարզում բժշկական լավագույն կենտրոններն ունենալու տեսլականի իրագործմանը:
ՀՀ կառավարության 2011թ.-ի հունիսի 10-ի թիվ 22 արձանագրային որոշման պահանջներով բաց մրցույթի մասնակից կարող է լինել ցանկացած անձ, որը կբավարարի ստորև նշված պահանջներին`
- բարձրագույն և հետբուհական կրթության առկայություն համապատասխան մասնագիտությամբ,
- հինգ տարուց ավելի աշխատանքային ստաժի առկայության դեպքում` վերջին հինգ տարվա ընթացքում համապատասխան մասնագիտական կատարելագործման առկայություն,
- բժշկական էթիկայի կանոնների իմացություն:
Անհրաժեշտ փաստաթղթերը հանձնելուց հետո մրցույթի մասնակիցը կծանոթանա այն իրավական ակտերի ցանկին, որոնցից բաղկացած է լինելու հարցատոմսը:
Թափուր հաստիքների և դիմելու կարգի մասին մանրամասներն՝ այս հղումով:
