Հայաստանում չկա բազմակարծություն, մինչդեռ Խորհրդարանը պետք է լինի բազմակարծության կենտրոն և եթե այն իրապես ներկայացնում է մեր ազգի հատվածները, պետք է ներկայացնի բոլոր հատվածների կարծիքները: Այս մասին լրագրողների հետ զրույցում ասաց «Երկիր Ծիրանի» կուսակցության նախագահ Զարուհի Փոստանջյանը:
նա վտանգավոր համարեց, երեկ Աժ-ում քվեարկության արդյունքները:
«Ռեյտինգային համակարգը բերեց նրան, որ ՀՀԿ-ն փոխակերպվեց ՔՊԿ-ով, ոչինչ չի փոխվել: Միատեսակ քվեարկությունները են լինելու, որի ականատեսն արդեն եղանք բոլորս: Եթե դու մասնակցում ես մի գործընթացի, որտեղ պետք է լինեն այն մարդիկ, որտեղ գծված սցենարով մարդիկ են, ապա այդտեղ չի կարող լինել ընդդիմություն: Եթ նախորդ Սահմանադրությունը և ԸՕ-ն մի փոքրիկ հնարավորություն ու ճեղք էր թողնում, որ ըննդդիմություն լինի, ապա այս անգամ, կարելի է ասել, որ ՀՀ-ում ընտրությունների միջոցով բազմակարծությամբ Աժ ձևավորելն անհնար է»,-ասաց նա:
Փոստանջյանը նշեց որ այսօրվա քաղաքական ուժերը հագել են նույն բռնապետի վերարկուն :
«ՔՊԿ-ն կրկնում է ՀՀԿ-ի քայլերը: Անգամ բացվեց բարեգործական հիմնադրամ, որը քաղաքական կոռուպցիայի մաս է կազմում: Սա կոռուպցիայի դասական դրսևորում է: Եթե կան գաղտնալսումներ, որոնց իրական լինելը հաստատել են կողմերը, թեև նշում են , որ կիսատ է խոսակցությունը, բայց, դա կարևոր չէ, ուրեմն՝ գործադիր իշխանության ներկայացուցիչը օգտվելով իրեն վերապահված հնարավորություններից ճնշում է գործադրում իրավապահ մարմինների նկատմամբ և հրամաններ է տալիս, թե ինչ կերպ վարվեն այս կամ այն մարդու հետ: Այս պահին տեղի է ունենում սեփականության վերաբաշխում: Այդպիսի իրավանորմեր գոյություն չունեն, երբ մարդու նկատմամբ հետապնդում է իրականացվում և տվյալ մարդը այդ ընթացքում ինչ-որ նվիրատվություններ է անում պետությանը իր սեփականությունից:
Նրա խոսքով՝ այսօր կոռուպցիան հովանավորվում է ՔՊԿ-ի և Սերժ Սարգսյանի կողմից:
«Սուպերվարչապետի լիազորություններով օժտված անձը ինքն է դառնալու կոռուպցիոներ, քանի որ չունի զսպող մեխանիզմներ:Մենք չգիտենք, թե ինչ է այնտեղ տեղի ունենում, ում են հրավիրում հարցաքննության, ումից ինչ են պահանջում, ում են գաղտնալսել, ում են ահաբեկում, քանի որ չկան նրանց զսպող մեխանիզմներ»,-ասաց Փաստանջյանը: