Հաշված ժամեր անց կազդարարվի Նոր տարվա սկիզբը: Ամանորյա տոներին ընդառաջ ArmDay.am-ը զրուցել է քաղաքական գործիչների հետ,պարզելու, թե որտեղ են նրանք դիմավորելու տարվա գլխավոր տոնը ևարդյո՞ք քաղաքական գործիչները շարքային քաղաքացիների նման Ամանորը դիմավորելու են ընտանիքի անդամների հետ`տանը:ԲՀԿ քաղաքական խորհրդի գլխավոր քարտուղար Նաիրա զոհրաբյանի հետ հարցազրույցը ներկայացնում ենք ստորև.
-Սիրո՞ւմ եք Ամանորը, և ինչո՞ւ:
-Ընդհանրապես, ես տոնացույցում ու հիշատակի օրերի ցանկում մի լավ բեռնաթափում կանեի, սակայն նոր տարին բացառիկ է ինձ համար:Սիրում եմ,քանի որ դեկտեմբերի 31-ը տիեզերական չափումներով շատ սովորական մի օր է, բայց, չգիտես ինչու, այդ օրը բոլորիս մոտ մի անբացատրելի սպասում կա, հրաշքի սպասում, որ նոր տարին բոլորիս համար լինելու է ավելի լավը և բոլոր անհաջողությունները թողնելու ենք նախորդ տարում: Բոլորս ենթագիտակցորեն հավատում ենք, որ ցանկությունը, որ պիտի պահենք,անպայման իրականություն կդառնա:
-Որտե՞ղ եք անցկացնելու Ամանորը:
-Ես միշտ Ամանորը տոնել եմ Երևանում, սակայն 2014 թվականից այս կողմ, երբ մահացավ ամուսինս՝ Սամվել Մկրտչյանը, Նոր տարուն անընդհատ Երևանից փախչելու ցանկություն կա: Այս անգամ ես Ամանորը կդիմավորեմ Եգիպտոսում՝ Կարմիր ծովի ափին: Քիչ անց ես կգնամ ծովի խորքը՝տեսնելու Կարմիր ծովի ֆանտաստիկ կոռալները:
-Ի՞նչ եք անում ժամը 12-ից 10 րոպե առաջ:
-Եթե Երևանում եմ լինում,ինչպես բոլորս, մտածում ենք, թե ինչ ենք պակաս դրել սեղանին:Իսկ երբ Երևանում չեմ, պարզապես ծովի ափին նստում եմ մինչև ժամը 12-ը և հետո, ովքեր ինձ հետ են լինում այդ ժամանակ նշում ենք Նոր տարին:
-Ո՞րն է Նոր տարվա գլխավոր խորհրդանիշը Ձեզ համար։
-Ես չեմ սիրում արհեսական ոչ մի բան: Ես հասկանում եմ, որ բնությանը վնաս ենք հասցնում, բայց ինձ համար Նոր տարվա խորհրդանիշը բնական եղևնին է՝իր հոտով, որն ինձ մոտ հետաքրքիր ասոցիացիաներ է առաջացնում մանկության հետ կապված:
-Ամանորի սեղանի ամենասիրելի ուտեստը:
-Խոզի բուդը իմ դասակարգային թշնամին է: Ինձ համար նողկալի տեսարան է, երբ տեսնում եմ ծանր,յուղոտ ուտեստներ ուտող հայ կնոջ:Ես առողջ ապրելակերպի կողմանկից եմ:Ինքս արևադարձային մրգերով հետաքրքիր աղցաններ եմ պատրաստում,և հնարավորինս թեթև ու բալանսավորված սննդակարգով եմ սեղանը զարդարում:
-Ամենասիրելի պահը Ամանորի հետ կապված:
-Շատ եմ սիրում նվերներ տալ:Ես յուրաքանչյուրի նվերն ընտրելիս անհատական մոտեցում եմ ցուցաբերում: Հաճախ հատուկ մեկնում եմ այլ երկիր, որպեսզի նվերների հետաքրքիր ընտրանի ունենամ: Չեմ սիրում անկապ նվերներ նվիրել:
-Ի՞նչ եք պարտադիր դնում Ձեր սեղանին:
-Ունեմ աղցանների և կոկտեյլների հետաքրքիր բաղադրատոմս, որը պարտադիր է մեր սաեղանին: Ես նաև շատ հետաքրքիր թեյ եմ պատրաստում խոտաբույսերից և մատուցում իմ պատրաստած պրոֆիտրոլներով (փոքրիկ էկլերներ՝պաղպաղակի միջուկով):
-Տոների ընթացքում հետևո՞ւմ եք Ձեր քաշին:
-Այո, ամսի 7-ից ես խստագույն դիետա կսկսեմ պահել, քանի ո,ր որքան էլ հետևենք, մի քնաի կիլոգրամ ավելանոմ է տոների ընթացքում:
-Ամանորի ամենասպասված նվերը:
-Նվերների հարցում շատ քմահաճ եմ: Ինձ համար դժվար է նվեր ընտրել: Ինձ հետաքրքիր նվերներ տալիս էր իմ ամուսինը. նա ամեն տարի իմ ծննդյան տոնին իմ նկարն էր նկարում ու նվիրում:
-Ի՞նչ եք տանում Ձեզ հետ Ամանորին որևէ մեկի տւն այցելելիս:
-Չեմ սիրում նվերների շարանը, որ տանում են տնից տուն: Բոնբոներկաները, կամ արձանիկները: Ես յուրաքանչյուրի համար անհատական նվերներ եմ պատրաստում:Ինձ դուր է գալիս մարդկանց ուրախությունը, երբ հավանում են իմ տարած նվերները:
-Ամենաուրախ և ամենատխուր Ամանորը, որն ունեցել եք:
-Ամենաուրախ Ամանորը 2004 թվականին է եղել, երբ ամուսնուս հետ Ամանորն անցկացրինք Արա լեռան գագաթի վրանի մեջ, որին նախապես պատրաստվել էինք: Ֆանտաստիկ գեղեցիկ էր ամեն բան: Ամենատխուրը 2014 թվականին էր, երբ դեկտեմբերի 7-ին մահացավ Սամվելը՝ամուսինս:
-Ամանորյա հայկական ավանդույթներից ո՞րն եք ամենաշատը սիրում և որը՝ ամենաքիչը։
-Հայկական ավանդույթներն Ամանորի հետ կապված շատ չեմ մտաբերում, սակայն մի անգամ որոշեցի իտալական մի ավանդույթի հետևել և քիչ մնաց հայտնվեի քաղմասում: Մի փոքրիկ պահարան ունեի ,որոշեցի 5-րդ հարկից նետել ներքև, սակայն սխալ հաշվարկ էի արել և միլիմետրերը փրկեցին այն մարդուն,ով այդ պահին գտնվում էր մեր շենքի ներքևում:
-Ձմեռ պապ գոյություն ունի՞:
-Բոլոր այն մարդիկ, ովքեր անշահախնդիր նվիրվում,օգնում են մարդկանց, և այդ ամենը անում են լուռ, նրանք բոլորն ինձ համար Ձմեռ պապիկներ են:Ես վստահ եմ, որ մեր քաղաքում էլ նման մարդիկ շատ կան:
-Վերջին անգամ ձնեմարդ ե՞րբ եք պատրաստել:
-Վերջին անգամ ամուսնուս հետ եմ ձնեմարդ պատրաստել: 2013թվականն էր, Ծաղկաձորում էինք գտնվում:
- 2019-ի Ձեր երազանքը:
-Իմ սիրելի մարդիկ, ովքեր թանկ են ինձ համար,լինեն առողջ: Իսկ երկրիս համար խաղաղություն եմ ուզում, ուզում եմ կորուստներ չունենանք: չլինի հիասթափություն այս հեղափոխությունից, քանի որ դա կլինի յուրաքանչյուրիս անձնական ողբերգությունը:
-Ամանորի մասին Ձեր ամենասիրելի ֆիլմը…
-«Բաղնիքդ անուշ»
-Ո՞ր գույնը կասոցացնեք Ամոնորի հետ։
-Միանշանակ ՝սպիտակ:
-Ե՞րբ եք վերջին անգամ սրտանց ուրախացել:
-Ես ուրախ ու լավատես մարդ եմ: Եվ չնայած քաղաքական գործիչ լինելով երբեմն կարիք է լինում ավելի զուսպ լինել, սակայն ես միշտ անմնացորդ ուրախանում եմ:
-Ամենազավեշտալլի իրավիճակը, որում հայտնվել եք Ամանորին:
-Ավելի զավեշտալի դեպք , քան պահարանը վերևից նետելու դեպքն էր, չկա:
-Կուզեիք, որ այս պահին…
-Կուզենայի այս պահին ինձ հետ լինեին իմ հարազատները:
-Ի՞նչ էիք ցանկացել 2018-ից և ի՞նչ տվեց այն Ձեզ:
-Ցանկացել էի առողջություն և խաղաղություն: Ինչ-որ չափով ցանկությունս իրականացավ, քանի որ մենք մեր երկրում կարողացանք ունենալ բացառիկ անարյուն հեղափոխություն, ինչը մեր երկիրը կարող է զարգացման ճիշտ ուղու վրա դնել:
-Ի՞նչ թողեց Ձեզ անցնող տարին:
-Հանդիմումներ թողեց տարբեր հետաքրքիր մարդկանց հետ:
-2018 թվականին Ձեր թերացումը:
-Երբեմն որպես կուսակցական ստիպված ես ընդունել խաղի այն կանոնները, որոնց իրականում դեմ են քո սկզբունքները, քո ներքինը, քո հոգին ընդվզում է : Երբեմն ստիպված ես կոմպրոմիսի գնալ քո սկզբունքների հետ, որպեսզի ընդհանուր գործը չտուժի, կամ որովհետև այդպես է մտածում քո թիմի մեծամասնությունը: Ամեն ագամ այդ կոմպրոմիսին գնալուց հետո ես ինձ թևաթափ եմ զգում և կուզենամ, որ գալիք տարում նման իրավիճակներ չլինեն:
-Կա՞ ինչ-որ բան որի համար ափոսում եք:
-Երբեմն ինչ -որ չնչին պատճառով կորցնում ենք մարդկանց:Ես իմ տեսակով մաքսիմալիստ եմ և ինձ հետ դժվար է, սակայն ես կիսատ մարդկանց չեմ սիրում: Այդ ճանապարհին կորցնում ես մարդկանց, ում հանդեպ գուցե ավելի պահանջկոտ եմ գտնվել, քան պետք է:
-Թեմա, որի շուրջ ժամերով կխոսեք տարվա բոլոր օրերին:
-Արվեստի մշակությի մասին կարող եմ ժամերով խոսել:Օրինակ Ռոդենի քանդակների մասին:
-Քաղաքականությունը….
-Իմ ամեն օրն է: Պրոֆեսիոնալ քաղաքական գործիչների համար այն թմրանյութի նման մի բան է դառնում և անգամ հանգստյան օրերին զգում ես, որ ինչ-որ մի բան պակասում է, որը հենց քաղաքականությունն է:
-Կինը քաղաքականության մեջ …
-Պետք է կարողանա կոտրել ստերեոտիպեր: Ասում են՝ հաջողված քաղաքական կին գոչծիչները անձնական կյանքում ձախողում են, սակայն ես վստահ եմ, որ այդպես չէ: Եթե կինը սիրված է իր ընտանիքում, նա կհաջողի նաև քաղաքականության մեջ: Չսիրված կինը քաղաքականության մեջ լինելու է չար ու անտանելի: Ես բացարձակ երջանիկ կին եմ, քանի որ ինձ սիրել է ամենաօրիգինալ, հանճարեղ տղամարդկանցից մեկը:
-Ո՞վ է հայ քաղաքական դաշտի Ձմեռ պապը:
-Ովքեր լուռ անում են իրենց բարի գործն ու հաջորդ վայրկյանին մոռանում այդ մասին:
-Տարվա իրադարձությունն ըստ Ձեզ:
-Թավշյա հեղափոխությունը:
-Տարվա մարդը..
-Տարվա մարդը հայ զինվորից բացի ՀՀ այն քաղաքացիներն են, ովքեր մշտապես իրենց հույսը չեն կորցրել անգամ այս ծանր ժամանակահատվածում:
-Տարվա բառը:
-Հեղափոխություն:
-Տարվա արտահայտությունը:
-Ես քո կլասիկ ցավը տանեմ:
-Տարվա քաղաքական գործիչը:
-Նիկոլ Փաշինյան:
-Ձեզ քննադատողները..
-Ինձ քննադատողների շարքում հիմնականում կանայք են, որոնց մոտիվացիան ինձ հասկանալի է: Ես նրանց մաղթում եմ երջանկություն, սեր, հաջողություն:
-Ի՞նչ կմաղթեք հայ ազգին գալիք տարվա համար:
-Չհիասթափվել այս հեղափոխությունից և դառնալ այս հեղափոխության մասնիկը:
