ՀԱՊԿ անդամ պետությունները, մասնավորապես՝ Ռուսաստանը, Նիկոլ Փաշինյանին հաղթանակի կապակցությամբ կշնորհավորեն ընտրությունների պաշտոնական արդյունքներն ամփոփելուց հետո:
Այս մասին Tert.am-ի հետ զրույցում ասաց քաղտեխնոլոգ Վիգեն Հակոբյանը: Ըստ նրա՝ Ռուսաստանը, ՀԱՊԿ անդամ երկրները, Հայաստանի հետ հարաբերությունները տեղափոխում են ֆորմալ դաշտ: «Այդ կառույցում ավելի շատ հակասություններ կան, քան հակառակորդների հետ հարաբերություններում: ՀԱՊԿ-ում միմյանց միջև հարաբերություններն ավելի շատ են: Ամեն դեպքում, կարծում եմ, որ պաշտոնական թվերի հրապարակումից հետո շնորհավորանք կլինի: Իմ տպավորությամբ՝ Հայաստանում ավելի շատ անհանգստացած են Ռուսաստանի ուշացող շնորհավորանքով: Պաուզա կա, բայց կրկնում եմ, որ շնորհավորանքը պաշտոնական արդյունքների հրապարակումից հետո կհաջորդի»,- նշեց Վիգեն Հակոբյանը: Նա դժվարացավ ասել՝ Ռուսաստանը կշնորհավորի նախագահի մակարդակո՞վ, թե ԱԳ նախարարության կամ մեկ այլ կառույցի: