Պառլամենտական համակարգը պահանջում է, որ վարչապետը ունենա մեծամասնություն: Դա զարմանալի չէ նաև Նիկոլ Փաշինյանի դեպքում, քանի որ նա, իսկապես, հեղինակություն ունի: Այս մասին մամուլի ասուլիսի ժամանակ ասաց քաղաքագետ Ստեփան Գրիգորյանը:
Անդրադառնալով «Սասնա ծռեր» կուսակցության հավքած ձայների քանակին,քաղաքագետն ասաց, որ ինքը գոհ է այդ ցուցանիշից:
«Իմ համագործակցությունը «Սասնա ծռեր» կուսակցության հետ շատ կարևոր եմ համարում և շարունակական: Ինքս էլ առաջադրված էի այս կուսակցության կողմից: Համարում եմ, որ շատ լուրջ արդյունք ստացան «Սասնա ծռեր»-ը, քանի որ մեկ ամվա պատմություն ունեցող կուսակցության համար, 23.000 ձայնը լուրջ ցուցանիշ է:
Քաղաքագետը նշեց, որ անբնական է, որ Աժ-ում չկա ընդդիմություն կամ այլ բևեռ:
