Տնտեսական ակտիվության ցուցանիշը նախորդ տարվա համեմատ շարունակաբար աճել է


Տնտեսական ակտիվության ցուցանիշը նախորդ տարվա համեմատ շարունակաբար աճել է
Դեկտեմբեր 11 16:01 2018

Հայաստանում տնտեսական ակտիվության ցուցանիշը առաջին տասը ամիսներին նախորդ տարվա նույն ժամանակամիջոցի համեմատ աճել է 6 տոկոսով:

«Արմենպրես»-ի փոխանցմամբ՝ այս մասին են վկայում ՀՀ ազգային վիճակագրական կոմիտեի տվյալները:

Մասնավորապես տնտեսական ակտիվության ցուցանիշը այս տարվա հունվարին նախորդ տարվա նույն ամսվա համեմատ աճել է 11.6 տոկոսով: Փետրվար ամսին նախորդ տարվա նույն ժամանակի համեմատ ցուցանիշն աճել է 8.8 տոկոսով, մարտին աճը կազմել է 10.9 տոկոս, ապրիլին՝ 7.1 տոկոս: 2018-ի ապրիլին տնտեսական ակտիվության ցուցանիշը բարձրացել է՝ նախորդ տարվա ապրիլի համեմատ ավելանալով 5.5 տոկոսով: Այս տարվա հունիսին ակտիվության ցուցանիշը  նախորդ տարվա նույն  ժամանակի համեմատ աճել է 9.8 տոկոսով, իսկ հուլիսին աճի տեմպը ավելացել է՝ կազմելով 11.1 տոկոսով, իսկ նույն տարվա հունիսի համեմատ՝ 7.8 տոկոսով:

Այս տարվա օգոստոսին նախորդ օգոստոսի համեմատ աճը կազմել է 5 տոկոս: Սեպտեմբերին միայն ցուցանիշը նախորդ տարվա նույն ժամանակի համեմատ նվազել է 0.2 տոկոսով, սակայն այն այս տարվա օգոստոսի համեմատ 8 տոկոսով ավելի էր:

Այս տարվա հոկտեմբեր ամսին տնտեսական ակտիվության ցուցանիշը նախորդ տարվա նույն ժամանակի համեմատ աճել է 3 տոկոսով: Ընդհանուր նախորդ տարվա 10 ամիսների համեմատ ակտիվության ցուցանիշը աճել է 6 տոկոսով:

Աննա Գրիգորյան

 



loading...