Դեկտեմբերի 6-ին Սանկտ Պետերբուրգում կայանալիք ԵԱՏՄ բարձրագույն խորհրդի նիստում նախատեսվում է նաև քննարկել Հայաստանին մատակարարվող գազի գնի հարցը: Այս մասին այսօր կառավարության նիստից հետո լրագրողներին հայտնեց էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը՝ նշելով, որ հայկական կողմը հիմնավորումներով տեղեկանքը ներկայացրել է:
«Երբ կլինեն ներմուծման նոր սակագները, պետք է ուսումնասիրվեն նաև ներքին գնագոյացման խնդիրները: Ես կարծում եմ, որ ներքին գնագոյացման ժամանակ կան խնդիրներ, և տեղ կա նվազեցնելու»,- ասաց Բաղրամյանը:
Թե ինչքա՞ն հնարավոր կլինի իջեցնել գազի սակագինը, նա նշեց, որ, երբ հայտարարում են 30 % նվազեցման հնարավորության մասին՝ առանց իմանալու գազի ներմուծման գինը, դա «մի քիչ ոչ պրոֆեսիոնալ» է. «Երբ կունենանք ներմուծման գին, ըստ այդմ արդեն կարող ենք կողմնորոշվել նաև ներքին սպառողի համար: Բանակցությունների արդյունքում կտեսնենք»: