ՀՀԿ-ի հաղթաթուղթը փորձն է: Այս մասին լրագրողների հետ զրույցում ասաց ՀՀԿ-ական պատգամավոր Կարինե Աճեմյանը:
«Մենք Խորհրդարան ենք գնում շատ ուժեղ կազմով, հմուտ քաղաքականգործիչներով: Ունենք հարկե նոր դեմքեր , սակայն նրանք ևս քաղաքական լուրջ փորձ ունեն: Կարծում եմ այս իրավիճակում փորձը շատ կարևոր է: Ներկայիս իշխանություններին անպայման ընդդիմություն է հարկավոր, որը կարող է հակազդել ու բարձրաձայնել խնդիրների մասին , որոնք կարող են լինել ճակատագարկան»,-ասաց նա:
Հայաստանի Հանրապետական կուսակցության նախընտրական ցուցակը գլխավորում է պաշտպանության նախկին նախարար Վիգեն Սարգսյանը:
Ցուցակը բաղկացած է 125 հոգուց:
Ցուցակի 2-րդ համարը արդարադատության նախկին նախարար, ԱԺ փոխնախագահ Արփինե Հովհաննիսյանն է:
3-րդ հորիզոնականում վերլուծաբան Դավիթ Շահնազարյանն է,
4-րդ համարը ՀՀԿ խմբակցության ղեկավար Վահրամ Բաղդասարայն է,
5-դդը՝ պատգամավոր Արմեն Աշոտյանը,
6-րդ տեղում ԱԺ փոխնախագահ Էդուարդ Շարմազանովն է,
7-րդ համարը Գալուստ Սահակյանի որդին է՝ Արման Սահակյանը,
8-րդ հորիզոնականում պատգամավոր Կարինե Աճեմյանն է,
9-րդ տեղում վերլուծաբան Մենուա Հարությունյանն է,
10-րդ համարը պատգամավոր Արտաշես Գեղամյանն է: