Ես չեմ սիրում քաղաքականության մեջ առաջնորդվել կոֆեի բաժակի մրուրով՝ թե կոֆեի բաժակի հետագիծը ինչ ցույց կտա: Այս մասին ասաց «Ծառուկյան» խմբակցության պատգամավոր Նաիրա Զոհրաբյանը:
Անդրադառնալով «Մենք» դաշինքի հայտարարությանը՝ Զոհրաբյանն ասաց.
«Ընտրություն կամ իշխանություն լինելը հայտարարություններով չէ: Եթե ռեալ-պոլիտիկը առաջնորդվեր և ձևավորվեր ընդամենը միայն հայտարարություններով ու ցանկություններով, ապա այժմ բացարձակապես այլ իրականություն կլիներ»
Նաիրա Զոհրաբյանը նշեց, որ իրենք ուժեղ նախընտրական ծրագիր ունեն:
«Մենք գնում ենք արդար մրցապայքարի, և մեր երկխոսության զրուցակիցը լինելու է ՀՀ քաղաքացին, որին էլ ներկայացնելու ենք մեր, իմ վստահ համոզմամբ, բավականին ուժեղ նախընտրական ծրագիրը»,-ասաց նա՞