Ամերիկահայ գործարար, «Reddit» սոցիալական ցանցի համահիմնադիր Ալեքսիս Օհանյանը գաղտնի նախագիծ է մշակել Հայաստանի համար, որն արդեն պատրաստ է ներկայացման: Ա այս մասին Օհանյանը հայտնել է «Ֆեյսբուք»-ի իր էջում կատարած գրառմամբ:
Ալեքսիս Օհանյանը «Ֆեյսբուք»-ի իր էջում լուսանկար է հրապարակել Հայաստանի շախմատի ակադեմիայից՝ լուսանկարին կից կատարելով հետևյալ գրառումը. «Գաղտնի նախագիծը, որի վրա ես աշխատել եմ, գրեթե պատրաստ է՝ ձեզ հետ կիսվելու համար: Հուշում՝ այն ներառում է համբերություն, համառություն և իմաստություն»: Սրանից կարելի է ենթադրել, որ նախագիծը կապված է շախմատի հետ:
Օհանյանը նախագծին անդրադարձել է նաև «Ֆեյսբուք»-իր էջում կատարած հաջորդ գրառումներում: Նա հրապարակել է լուսանկար, որում ինքը դստեր հետ դիտում է հայկական խաչքար, որը ցուցադրվում է «Մետրոպոլիտեն» թանգարանում բացված «Հայաստան» խորագրով ցուցահանդեսի շրջանակում: Այդ լուսանկարին կից գրառման մեջ Ալեքսիս Օհանյանը ևս մեկ անգամ անդրադարձ է կատարել նախագծին: «Մշակույթի համար: Ավելի ոգեշնչված եմ երկուշաբթի արվելիք հայտարարության համար»,- գրել է նա:
Թեմայի վերաբերյալ ևս մեկ գրառում Օհանյանը կատարել է նոյեմբերի 11-ին. «Արդեն ժամանակն է ընկերներ, գաղտնի նախագիծը ներկայացվելու է վաղը»:
