Այգեստանում մեքենա է շրջվել․ տուժածի վիճակը ծանր է


Այգեստանում մեքենա է շրջվել․ տուժածի վիճակը ծանր է
Նոյեմբեր 10 10:36 2018

Հնաբերդ-Այգեստան ավտոճանապարհի «ՎԱԶ 2101» մակնիշի ավտոմեքենան դուրս է եկել ճանապարհի երթևեկելի հատվածից և կողաշրջվել․ կա տուժած։ Ըստ հաղորդագրության՝ «911» ծառայությունը ահազանգը ստացել է այսօր՝ նոյեմբերի 10-ին, ժամը 01:07-ին։

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Մինչ փրկարարների՝ կանչի վայր հասնելը, վարորդը (Է. Գ., ծնված 1988 թ.) հոսպիտալացվել է Արտաշատի ԲԿ, այնուհետև՝ «Էրեբունի» ԲԿ: Բժիշկները տուժածի առողջական վիճակը գնահատել են ծանր:

Փրկարարները հոսանքազրկել են ավտոմեքենան և փակել ավտոմեքենայի գազի բալոնի փականը:



loading...