ԱՄՆ Կալիֆոռնիա նահանգի Բևեռլի Հիլզ քաղաքում անհայտ անձինք կրակ են բացել հայտնի ռեփեր Քանյե Ուեսթի առանձնատան ուղղությամբ: Ինչպես հաղորդում է TMZ-ը, միջադեպը տեղի է ունեցել այսօր՝ նոյեմբերի 9-ին:
Հրաձգության պահին առանձնատանն ընթանում էին Քանյե Ուեսթի և ռեփեր Tekashi 6ix9ine-ի համատեղ տեսահոլովակի նկարահանումները:
Ականատեսների խոսքով՝ անհայտ անձինք մեքենայից ութ կրակոց են արձակել: Գնդակներից մեկը դիպչել է տան ննջարանի պատուհանին, սակայն երաժիշտները, ինչպես նաև նկարահանող խմբի անդամները, բարեբախտաբար, չեն տուժել:
Միջադեպի բոլոր հանգամանքները պարզելու համար դեպքի վայրում աշխատում են իրավապահները: Ռեփերն ու նրա հյուրերը լքել են առանձնատունը: Հայտնի է, որ նկարահանումներին պետք է ներկա գտնվեր նաև երգչուհի Նիքի Մինաժը:
loading...