Ադրբեջանին միշտ «ընթացիկ» հաղթանակներ են պետք,լինեն դրանք բալետում, սպորտում, իրական, կամ հորինված, կարևոր չէ: Անդրադառնալով Իլհամ Ալիևի հայտարարությանը՝թե Նախիջևանի հատվածում հայկական կողմից շուրջ տասը հազար քառակուսի կմ տարածք է «ազատագրվել» ArmDay.am-ի հետ զրույցում ասաց ՀՀ ՊՆ մամուլի խոսնակ Արծրուն Հովհաննիսյանը:
Այն հարցին, թե ինչ տարածքների ազատագրման մասին է կրկին հայտարարում ադրբեջանական կողմը, Հովհաննիսյանը պատասխանեց.
«Զարմանալի է, որ մի երկրի գերագույն-գլխավոր հրամանատարը տեղյակ չէ, որ սեփական զորքը սեփական տարածք չի ազատագրում: Դա նրանց հողն է, նրանք տարածքը և նրանք առաջ են եկել հենց իրենց միջանկյալ տարածքում, որը երբեք չի եղել հայկական ուժերի վերահսկողության տակ և ֆիզիկապես չէր կարող լինել: Հետևաբար, շնորհավորում եմ նրանց, իրենց տարածքն ազատագրելու առիթով:
Հարցին, թե Պաշտպանության նախարարությունների միջև օպերատիվ կապ գործո՞ւմ է, թե ոչ, ՊՆ խոսնակը նշեց, որ նրանց միջև ուղիղ օպերատիվ կապ չկա:
«Կան անվանական նշանակված կապի օպերատիվ պատասխանատուներ, որոնք հաստատում են այդ կապը: Կան սպաներ, որոնք միջնորդավորված աշխատում են այդ կապի վրա ժև ինչքան էլ ադրբեջանական կողմը փորձի հերքել, դա փաստ է»,-ասաց նա:
ՊՆ խոսնակը դժվարացավ պատասխանել, թե ո՞րն է ադրբեջանական կողմի նման հայտարարությունների տրամաբանությունը՝ ասելով՝ երբեմն ադրբեջանցիների մոտիվացիան դժվար է հասկանալ:
Անդրադառնալով սահմաններում տիրող իրավիճակին՝ Արծրուն Հովհաննիսյանը նշեց, որ ամեն բան նորմալ է, ադրբեջանական կողմը ակտիվություն չի ցուցաբերում այս պահին:
