Երեւանի քաղաքապետարանում կադրային փոփոխությունները շարունակվում են։ Ի տարբերություն Նիկոլ Փաշինյանի, ով վերջին շրջանում բարիկադներ կառուցելու քաղաքականություն է որդեգրել, Երեւանի քաղաքապետ Հայկ Մարությանը շարունակում է ազատվել բոլոր այն պաշտոնյաներից, ովքեր աշխատել են նախկին իշխանությունների հետ։ Մարությանը քաղաքապետարանը համալրում է կամ իր դերասան ընկերներով ու նեղ շրջապատի մարդկանցով, կամ նախապատվությունը տալիս Իմ քայլը դաշինքի անդամներին։
Armday.am-ին հայտնի է դարձել, որ Մարությանը աշխատանքից ազատել է քաղաքապետարանի Արտաքին ձեւավորման եւ գովազդի վարչության պետ Արազ Բաղդասարյանին։ Մեզ հասած տեղեկությունների համաձայն աշխատանքից կազատվի նաեւ Մշակույթի վարչության պետ Ռուբեն Հովհաննիսյանը։ Աշխատանքից ազատվել են նաեւ Գնումների վարչության պետն ու նախկին քաղաքապետի օգնականներից Վահե Չիլինգարյանը։
Կադրային ջարդը քաղաքապետարանում շարունակվելու է։
