«Հրապարակ» թերթի հաղորդմամբ՝ Երևանի նախկին քաղաքապետ Տարոն Մարգարյանը լքել է Հայաստանը և ընտանիքով բնակություն հաստատել Մոսկվայում: Նրա զավակները սովորում են Մոսկվայի տարբեր ուսումնական հաստատություններում: Այժմ նրա երևանյան տանը բնակվում են մայրը և քրոջ ընտանիքը:
Այս մասին մանրամասներ իմանալու նպատակով ArmDay.am-ը կապ հաստատեց Երևանի նախկին քաղաքապետ Տարոն Մարգարյանի հետ, ով հերքեց տարածված լուրերը:
«Լուրերը չեն համապատասխանում իրականությանը: Ես ընտանիքիս հետ գտնվում եմ Երևանում, ավելին՝ երբեք չեմ մտածել հայրենիքս լքելու մասին: Ինչ-որ մեկը պարզապես ցանկացել է ապատեղեկատվություն տարածել»,-ասաց Տարոն Մարգարյանը:
