Սյունիքի մարզի բնակիչներն այսօր փակել են Գորիս-Կապան ճանապարհը։ Այս կերպ բնակիչներն իրենց դժգոհությունն են արտահայտում Սյունիքի մարզպետի պաշտոնում Հունան Պողոսյանին նշանակելու կապակցությամբ: Սյունեցիները ցանկանում են, որ իրենք ընտրեն իրենց մարզպետին:
Այս մասին և նորանշանակ մարզպետի՝ բողոքավորների հետ հնարավոր հանդիպման մասին մասին մանրամասներ իմանալու նխատակով ArmDay.am-ը կապ հաստատեց Սյունիքի մարզպետարանի հետ, որտեղից հայտնեցին, որ դեռևս ինֆորմացիա չունեն այդ մասին և զբաղված են եղել մարզպետին դիմավորելու հարցով:
Ոստիկանության լրատվության բաժնից հայտնում են, որ աս պահին միջպետական ճանապարհը բաց է, երթևեկությունը վերականգնվել է:
Հիշեցնենք, որ Կառավարության այսօրվա նիստում Հունան Պողոսյանը նշանակվել էր Սյունիքի մարզպետ։ ՀՀ նախկին ոստիկանապետ, ոստիկանության գեներալ-լեյտենանտ Հունան Պողոսյանը հրաժարական էր ներկայացրել մայիսի 11-ին։ Մայիսի 12-ին նախագահ Արմեն Սարգսյանի հրամանագրերով՝ Հունան Պողոսյանն ազատվել է ոստիկանության պետի առաջին տեղակալի պաշտոնից և Հայաստանի Հանրապետության ոստիկանությունում ծառայությունից: