Ի տարբերությունների այլ կուսակցությունների և դաշինքների, զերծ ենք մնալու պոպուլիզմից․ Էլինար Վարդանյանի «Կյանքը մեկ օրում» (լուսանկարներ)

Ի տարբերությունների այլ կուսակցությունների և դաշինքների, զերծ ենք մնալու պոպուլիզմից․ Էլինար Վարդանյանի «Կյանքը մեկ օրում» (լուսանկարներ)
Մարտ 8 00:30 2017

«Կյանքը մեկ օրում» նախագծի հյուրն է «Համախմբում» կուսակցության փոխնախագահ Էլինար Վարդանյանը, ով զբաղեցնում է «Օհանյան-Րաֆֆի-Օսկանյան» դաշինքի համամասնական ցուցակի 4-րդ հորիզոնականը: էլինար Վարդանյանի հետ զրուցել ենք առաջիկա խորհրդարանական ընտրություններին վերաբերող մի շարք հարցերի շուրջ:

-Տկն. Վարդանյան, արդարացի՞ եք համարում Ձեր դաշինքը գլխավորող, պաշտպանության նախկին նախարար Սեյրան Օհանյանի հայտարարությունը, թե ձեզնից բացի բոլոր ուժերը վերահսկվում են իշխանության կողմից:

-Այս հարցը մի քանի անգամ նաև այլ լրագրողների կողից է տրվել, իրականում խնդիրը նրանում է, որ դաշինքը մինչ ստեղծվելը, գրանցումը այնպիսի մի արշավի հանդիպեց քարոզչական, որը ինչպես իշխանական լրատվամիջոցների կողմից էր, այնպես էլ իրենց ընդդիմադիր հռչական լրատվամիջոցների, որ հետևաբար այստեղ ակնհայտ էր, որ կա ուղղորդում դաշինքի նկատմամբ: Հետևաբար, դրանից ելնելով էլ, կարելի էր նաև հանգել նրան, որ Սեյրան Օհանյանը նկատի ունի, որ իշխանությունները մեր դաշինքն է, որ դիտարկում են իրենց համար որպես լուրջ հակակշիռ:

-Դաշտում կան այլ դաշինքներ ևս, դրանցից որի՞ն եք համարում ձեզ հակակշիռ և արդյոք միայն ՀՀԿ-ին ե՞ք համարում մրցակից, թե ՞դաշինքների մեջ ևս կան մրցակիցներ:

-Ընդդիմադիր դաշտից որևէ կուսակցության, որևէ դաշինքի մենք չենք դիտարկում որպես թիրախ, որովհետև մեզ համար կա մեկ խնդիր ՝ փոխելու երկրում իրականացնող քաղաքականությունը և, բնականաբար, այս պարագայում որևէ այլ ընդդիմադիր կուսակցություն չի կարող դիտարկվել որպես թիրախ: Գլխավոր թիրախը այսօրվա իրականացնվող քաղաքականությունն է, բնականաբար, իր պատասխանատուներով հանդերձ:

-«ՕՐՕ» դաշինքն ամենաքննարկվող ու ինտրիգայինն է նաև իր առաջնորդների ֆակտորի շնորհիվ, արդյոք շեշտը դրե՞լ եք դրա վրա և սա համարո՞ւմ եք Ձեր հաջողության գրավականը:

-Դաշինքի հաջողության գրավականը լինելու է դաշինքի ծրագիրը, որովհետև այն անդրադառնում է բոլոր խնդիրներին և ոլորտներին, որտեղ կան խնդիրներ: Նաև առաջարկելու է կոնկրետ լուծումներ, մենք, ի տարբերությունների բազմաթիվ այլ կուսակցությունների և դաշինքների, զերծ ենք մնալու պոպուլիզմից՝ ցանկացած առաջարկ, լուծում հիմնավորված է լինելու, հետևաբար, գրավականը դա է: Ինչ վերաբերվում է դաշինքի առաջնորդներին, վերջիննսերս պետական գործունեություն իրականացրած այնպիսի գործիչներ են, որոնց ներուժը պարզապես չօգտագործել չի կարելի:

-Սեյրան Օհանյանի, Վարդան Օսկանյանի, անձերի, անցյալի, գործունեութան հետ կապված հանրության շրջանում կա որոշակի քննադատական վերաբերմունք, ինտրինգներ՝ նրանք եղել են իշխանության ներկայացուցիչ, հաճախ խոսվում Մարտի 1-ին նրանց մասնակցության մասին, այդ մասով Ձեր կասկածները որքանո՞վ են փարատված և արդյոք մտավախություն չունե՞ք, որ հենց այդ գործոնեղը կարող է խանգարել որ չհաջողեք:

-Մարտի 1-ը այն թեման է դարձել, որը ուղղորդված շահարկվում է, որովհետև այդ հարցին արդեն բազմաթիվ լրագրողներ անդրադարձել են և նաև Սեյրան Օհանյանի և Վարդան Օսկանյանի կողմից տրվել են սպառիչ պատասխաններ, հետևաբար, իմ գնահատմամբ, դա ևս ուղղորդված քաղաքական գծերից մեկն է, երբ անընդհատ պետք է բարձրացնել հարցը, պարզապես հարցը թեժ պահելու համար: Գիտեք, նախորիդ տարի՝ ՊՊԾ գնդի գրավման ժամանակ, թերս, ևս հարց էր առաջանում՝ որտե՞ղ են երկրի առաջնորդները, ինչո՞ւ չեն դիմում երկրի առաջնորդները ժողովրդին, այդպիսի խնդիր եղել է նաև Մարտի 1-ի ժամանակ, և Վարդան Օսկանհանը իր բազմաթիվ հարցազրույցներում խոսել է այդ մասին, որ տեսնելով այդ անջրպետը հասարակության և իշխանության միջև, չէր կարող կոչով հանդես չգալ՝ ուղվղված ժողովրդին: Եվ իմ գործընկերներիցմեկը մի շատ կարևոր միտք արտահայտեց հենց ՊՊԾ գնդի գրավման ժամանակ և ասաց՝ եթե այսօր ակտիվիստների նկատամամբ այսպիսի բռնություններ են կիրառվում, արդյոք էդվարդ Նալբանդյա՞նն է, որ այդ հրամանը տվողն է, այսինքն այստեղ ուղիղ համեմատական պետք է անցկացնել Մարտի 1-ի հետ և հասկանալ արդյոք Վարդան Օսկանյա՞նն էր, որ հրամանը տալիս էր:

-Հանրապետության ո՞ր շրջաններում եք Դուք իրականացնելու դաշինքի քարոզարշավը:

-Ես կարծում եմ, բոլոր մարզերում հնարավորություն կունենամ լինելու, դա նաև վերաբերվում է դաշինքի առաջնորդներին, ովքեր ևս լինելու են քարոզարշավի ընթացքում բոլոր մարզերում:

-Նախընտրական քարոզարշավի ընթացքում Արցախի պաշտպանության բանակի նախկին հրամանատար Սամվել Բաբայանը բացահայտ դերակատարություն կունենա՞:

- Սամվել Բաբայանը, ինչպես ցանկացած այլ քաղաքացի, կարող է համակրել որևէ քաղաքական ուժի՝ իր աջակցությունը հատնելով որևէ քաղաքական ուժի և հետևաբար, մեր պարագայում ինքը որպես համակիր էլ հանդես է գալիս, այսինքն Սամվել Բաբայանը հենց անմիջապես դաշինքի գործունեութան մեջ որևէ անմիջական մասնակցություն չունի:

-Քարոզարշավին մասնակցություն կունենա՞ այդ կերպ:

-Չեմ կարծում, որովհետև Սամվել Բաբայանը հենց ինքը հայտարարել է, որ քաղաքական գործընթացներին մասնակցություն չի ունենալու:

-Ինչպե՞ս եք գնահատում Ձեր շանսերը՝ ապագա խորհրդարանում հայտնվելու առումով:

-Չեմ փորձի ժամանակից առաջ անցնել, որովհետև ընդամենը մեկ ամիս է մնում, ռեյտինգների դասավորությունները բոլորս կտեսնենք շատ շուտով, բայց նաև չեմ կարող մտահգություն չհայտնել ընտրական օրենսգրքի հետ կապված, որովհետև ԸՕ-ն ընտրությունների քաղաքական բովանդակությունը տեղափոխելու է ավելի անձնական դաշտ: Բնականաբար, լինելու են և արդեն կան ահանազանգեր ըտրակաշառքների, «հեղինակություններ» օգտագործելու և վարչական լծակները օգտագործելու վերաբերյալ, հետևաբար, այս ամեն ինչը հաշվի առնելով ,հասկանալի է, որ ակնկալել, որ միանշանակ, արդար և թափանցիկ ըտնտրություններ են լինելու, միատմություն կլինի, բայց սպասենք, տեսնենք, թե ինչպիսի դասավորվածություն է լինելու:

-Հնարավո՞ր է դաշինքում ներառված ուժերը մոտ ապագայում դառնան մեկ ընդհանուր կուսակցություն:

-Այս պահին այդ հարցը չի քննարկվել և մենք գնում ենք ընտրությունների դաշինքով:

-Եթե փորձեք շարունակել արտահայտությունը, ապա ինչպես կավարտեք այն՝ եթե ոչ ես պիտի լինեմ ապագա խորհրդարանում, ապա ով պիտի…

-Չեմ կարող ասել, թե եթե ես չլինեմ ապա ով պիտի բարձրաձայնի այս կամ այն հարցը, որովհետև, վստահեցնում եմ, որ կլինեն իրականում արժանի քաղաքական գործիչներ, ովքեր կշարունակեն զբաղվել մարդու իրավունքների խնդիրներով: Ես կարող եմ հարցի մյուս ձևակերպումն ասել. եթե ես չլինեմ խորհրդարանում, վստահաբար, շարունակելու եմ այն գործը, որ իրականացնում էի մինչ այժմ և մարդու իրավունքները , դրանց պաշտպանությունը, խնդիրները, որ մինչ այժմ եղել են իմ ուշադրության կենտրոնում, շարունակելու են մնալ ուշադրության կենտրոնում:

-Կարեն Անդրեասյանը հայտարարել է կուսակցությունը լքելու մասին, փաստորեն այն անջրպետը, որ առաջացել էր նրա ու կուսակցության միջև ոչ մի կերպ չհաջողվե՞ց վերացնել:

-Կարեն Անդրեասյանն ունի անձնական պլաններ, որոնք պայմանավորված են իր աշխատանքային գործունեության հետ և դրանով էր պայմանավորված, որ նա կուսակցությունից հեռանալու մասին հայտարարություն է արել, այսինքն նաև մեր մասնավոր զրույցի ընթացքում ինքն ասել է այդ մասին, որ առաջիկայում աշխատանքի է անցնելու, որտեղ կուսակցական չլինելը պայմաններից մեկն է հանդիսանում:

-Ի՞նչ ասելիք ունեք խորհրդարանական ընտրություններին Ձեր պոտենցիալ ընտրողներին:

-Ես կուզենայի, որպեսզի ընտրողները ընտրություն անելուց առաջ, ի վերջո, հասկանային, որ իրենք պատասխանատու են երկրի ապագայի համար և ազնիվ լինեն իրենք իրենց խղճի առջև, որովհետև իրենց ընտրությունից է կախված, թե առաջիկա հինգ տարիների ընթացքում ինչպիսի ուղղվածություն կունենա ՀՀ քաղաքականությունը: Եվ այս առումով պետք է յուրաքանչյուրն իր խղճի հետ ներդաշնակության մեջ լինի:

Մտքերը շարունակելով…

Իմ կյանքը… նման է մնացած բոլոր ՀՀ քաղաքացիների կյանքին և, բնականաբար, ինչպես մյուսները, այնպես էլ ես մտահոգ եմ ՀՀ ապագայով՝ հատկապես արտագաղթի խնդրով: Ինչպես շատերը, ես իմ կյանքը միայն Հայաստանում եմ տեսնում:

Մի օր ես… այնքան ժամանակ կունենամ, որ ամբողջությամբ ինձ կնվիրեմ իմ ընտանիքին:

Կյանքը մեկ օրում…  չի հերիքում մեկ օրը կյանքի համար, որովհետև ամեն օրվա վերջում չհասցրած գործեր են մնում, չասված բառեր են մնում: Մեկ օրը բավարար չէ նույնիսկ օրվա համար, այնպես որ կյանքի համար վստահաբար չէ:

Տարիների ընթացքում… ես սովորել եմ հումորով վերաբերվել շատ խնդիրների և ուշադրություն չդարձնել մանր իրադարձություններին, որովհետև հակառակ դեպքում՝ դրանք ծանրացնում են կյանքը և դժվարացնում:

Իմ օրերի մեջ… կուզենամ ավելի շատ լուծված խնդիրներ տեսնել, ընդ որում հաջոդրդող լուծումներ:

Կարինա Սահակյան

Նարեկ Ավանեսյան/ Armday.am

loading...