Հնդկական Դավանգեր քաղաքում տեղի ունեցած միջադեպի պատճառով ավտոբուսի վարորդը մնացել է առանց աշխատանքի: 36-ամյա վարորդը, ցանկանալով զվարճացնել ավտոբուսի ուղևորներին, փոքրիկ կապիկին նստեցրել է ավտոբուսի ղեկին:
Ուղևորներից մեկը նկարահանել է այս տեսարանը: Հոլովակը հայտնվել է համացանցում, մեծ տարածում է գտել, բայց վարորդի անմիջապես ազատել են աշխատանքից՝ չգնահատելով նրա հումորի զգացումը:
Չնայած, ուղևորներից ոչ մեկը դժգոհություն չի ներկայացրել երիտասարդ վարորդի նկատմամբ, տնօրինությունը հարկ է համարել նրան հեռացնել աշխատանքից ու պարզաբանումներով հանդես գալ: Պաշտոնական տեսակետն այսպիսին է՝ ուղևորների անվտանգությունը վեր է ամեն ինչից, վարորդն իրավունք չուներ, նույնիսկ ուղևորներին զվարճացնելու համար, կենդանուն նստեցնել ավտոբուսի ղեկին: