Իջևանի տարածաշրջանի Ազատամուտ համայնքում լարված իրավիճակ է տիրում: Ազատամուտի բնակիչները բառի բուն իմաստով ցանկանում են ազատվել ժորա Մարտիրոսյանից,պահանջում են նրա հրաժարականը, բողոքի ցույցերին միացել է նաև դպրոցի ուսուցչական և աշակերտական կազմը ։
ArmDay.am-ի հետ զրույցում տեղի միջնակարգ պրոցի տնօրեն Լարիսա Հակոբյանն ասաց, որ դպրոցում և գյուղում վախի մթնոլորտ է։ Նրա խոսքով՝ 3 օր առաջ մի փոքր միջադեպ է տեղի ունեցել գյուղապետ Ժորա Մարտիրոսյանի թոռների և համադասարանցի Ս․Ա-ի հետ՝ մատյանը նայելու պատճառով։ Գյուղապետի թոռները մեծ ծեծկռտուք են սարքել և տնօրենը ստիպված է եղել Ոստիկանություն դիմել: Ծնողները ևս ահազանգել են Ոստիկանություն, քանի որ գյուղի նորմալ վարքով տղաները մի լավ «դաս են տվել» ժորիկականներին և ծնողներն անհանգստացել են, որ կարող է պատասխան լինել այդ առիթով:
Իրավապահներն ու ուսուցչական կազմը նրանց անընդհատ հսկողության տակ են պահում ,որպեսզի հերթական վիճաբանությունը չլինի:
«Առավոտյան դպրոց մտնելիս նկատեցի, որ ծնողները մոտ 15 ավտոմեքենայով կանգնել են դպրոցի բակում, ովքեր պահանջում են՝ լուծել գյուղապետի և նրա թոռների հետ կապված խնդիրները: Ծնողները զգուշացրին,որ չեն թողնի դասապրոցես ընթանա, մինչև գյուղապետը հրաժարական չտա և նրա թոռներին կարգի չհրավիրեն:463 երեխայից 100-ը դպրոց չի հաճախում:
Դպրոցում և դպրոցից դուրս գյուղապետի թոռնեը կռիվներ են սարքում:Համապատասխան օրգանները տեղյակ են այդ մասին:Տարիներ շարունակ գյուղապետի տղաները, հիմա էլ թոռները, ովքեր 12-րդ դասարանում են, ուզում են իշխանություն հաստատել համայնքում և փորձում են սպորտսմեն, լավ, ուժեղ տղաներին ճնշել ու ինքնահաստատվել այդ միջոցով: Մի փոքր միջադեպի պատճառով դպրոցի պատվի հետ են խաղում»,-ասաց տնօրենը:
Լարիսա Հոկոբյանը նշեց, որ գյուղապետը դպրոց է գնացել, իբր լուծում տալու հարցին, սակայն նրա երեխաների կողմնակիցներից 7-ը հայտարարել են, որ չեն պատրաստվում հաշտվել ու մոռանալ տեղի ունեցածը:
Այդ ժամանակ ոստիկանները հայտարարել են, որ 3 հոգու բաժին պիտի տանեն, որից հետո գյուղապետն ու իր կողմնակիցները հարձակվել ու անպատվել են տնօրենին:
Լարված իրավիճակը փոխանակ սաստվի, ավելի է թեժացել: Հիմա էլ վեճի են բռնվել երեխաների ծնողները և գյուղապետի կողմնակիցները կոտրած շշով պատահաբար հարվածել են իրենց երեխաներից մեկին ու մարմնական վնասվածքներ հասցրել 10-րդ դասարանում սովորող աշակերտին, ով այժմ անկողնային վիճակում է:
Տնօրենը նշեց, որ ոստիկանները անընդհատ հսկում են դպրոցի և հարակից տարածքները, բարձրացել են 3-րդ հարկ, որտեղ համամյքանպետի թոռների դասարանն է, նկատել են, որ նրանք դասից դուրս հեռախոսազրույցների մեջ են և հարցեր են ուղղել: Թոռները կոպիտ պատասխանել են ոստիկանների և ձեռքով խփել կոտրել միջանցքի դռան ապակին:
«Մինչև հիմա փորձել եմ դիվանագիտորեն դպրոցի խաղաղությունը պահել, սակայն համայնքապետը շանտաժներ է անում, հեռախոսազանգերով ինձ սպառնում են, թե վառելու են: Համայնքապետի որդին հրապարակավ հայտարարեց, որ բոլորիս մորթելու է, հարսը ծնողներից մեկին է զանգել և ասել, որ ինձ վառելու են, միլպետին ու ավագանու անդամին են հարվածել: Թոռներն էլ աջ ու ձախ հայտարարում են, որ կդանակահարեն այն երեխաներին, ովքեր դեմ դուրս կգան:
Ազատամուտում կրքերը դեռ թեժ են, բնակիչները համայնքապետի ընտանիքի անդամների կողմից ամեն ինչի սպասում են:
Մեր տեղեկություններով՝ համայնքապետ Ժորա Մարտիրոսյանը միշտ հպարտացել է, թե 900 ձայն է տվել ՀՀԿ-ին բայց, երբ ՀՀԿ-ն դիրքերը զիջել է, փորձել է հաստատվել ԵԼՔ-ում, սակայն մերժել են: Նա համայնքը ղեկավարում է արդեն 10 տարի: