ԱԱԾ-ն գաղտնալսման հետ կապված դեռ նորություններ չունի: ԱԱԾ-ն գաղտնալսողին այդպես էլ չի գտնելու: Այս մասին լրագրողների հետ զրույցում ասաց Ազգային անվտանգության նախկին փոխնախարար Գուրգեն Եղիազարյանը:
Նա խոստացավ, որ եթե ԱԱԾ-ն երկու ամսից չհայտարարի, թե ինչպես է կատարվել գաղտնալսումը, ինքը կհայտարարի այդ մասին:
Ինչ վերաբերում է լրատվական կայքում խուզարկությանը, նա նշեց, որ կարող են նաև ողջ Հայաստանը խուզարկել, բայց ԱԱԾ-ի թշնամին շատ խորամանկ է:
«Երիտասարդ տղա է, չեմ ցանկանա, որ նա կործանվի: Դա լուրջ աշխատանք է, և բազմիցս կրկնել եմ՝ չի կարող այս փոքրաթիվ ԱԱԾ-ն զբաղվել հսկայածավալ հարցերով: Ես լուրջ առաջարկներ եմ արել, ինչպես դուրս գալ իրավիճակից: Այսօվա ԱԱԾ-ի թշնամին շատ խորամանակ է»,-ասաց նա:
Քաղաքագետը նշեց, որ միայն Ռ. Քոչարյանի մասին են խոսում, իսկ Սերժ Սարգսյանի մասին ծպտուն չկա:
«Եթե մենք խոսում ենք 50- 50 ից, մեզ պատասխանում են, որ այն կա, քանի որ երեսուն մլն դոլար գրանցված է բանկում Սաշիկի անունով: Ի վերջո, հայ ժողովրդին պետք է իմանալ Սաշիկ Սարգսյանը մասնակցե՞լ է մեր երկրի կողոպուտին, թե՞ ոչ: Եթե այո, փաստաթղթեր դրեք սեղանին, եթե ոչ, ապա ներողություն խնդրեք նրանցից: Իմ երկիրը տաս տարիների ընթացքում տոտալ թալանի է ենթարկվել, սակայն ծպտուն չկա Սերժ Սարգսյանի ու նրա փեսայի մասին:
Նա իր մարդկանցով լցրել է այսօրվա մեր քաղաքապետարանը, հանձին՝ Կարգին Հայկոյի ցուցակի, և վաղը նրանք են որոշում կայացնելու և նրա մասին այս իշխանությունները ծպտուն չեն հանում, չէ՞որ նրա ձեռքին է ողջ ինֆորմացիոն դաշտը: Սերժ Սարգսյանի մարդկանցից ոչ մեկն այսօր ճաղերի հետևում չէ, բերում, բռնում բաց են թողնում, փաղցնում: Մարդիկ հասկանում են, չէ՞ ինչու ծպտուն չկա: Սա ի՞նչ խաղ է, նո՞ր խաղի կանոններ են, դե անունները տվեք, դրանք են կերել իմ երկիրը: Հեղափոխությունը կատարեց Սերժ Սարգսյանը, մնացածը կատարեցինք մենք»,-ընդգծեց Եղիազարյանը: