Այս հեղափոխության ամենամեծ շահառուն Սերժ Սարգսյանն է: Այս մասին լրագրողների հետ զրույցում ասաց «Ազգային Համաձայնություն» կուսակցության նախագահ Արամ Հարությունյանը:
«Այն մարդիկ, ոքեր Նիկոլ Փաշինյանի նման չեն մտածում, նրանց ահաբեկում են, իսկ դա չի համարվում ժողովրդավարական մթնոլորտ: Այս ընտրությունները ես համարում եմ ամենաբացահայտ ճնշումը իշխանությունների կողմից: Եթե Սերժն ասում էր ինչքան ուզեմ կխփեմ, Նիկոլն ասում է ՝ փորձվեք մեկդ մեզ ձայն չտալ:
Բոլորը մոռացան, թե ով էր Տիգրան Մուկուչյանը: Նա նախկինում պատվեր էր կատարում նախկին իշխանությունների համար, իսկ հիմա չգիտենք: Հնրավոր է՝ հիմա էլ նոր իշխանության համար է աշխատում», -ասաց նա:
Արամ Հարությունյանը Նիկոլ Փաշինյանին համեմատեց Հիտլերի հետ: Նա մտավախություն ունի, որ Արցախի և Հայաստանի միջև Լաչինի պատ կկառուցվի:
«Այս հեղափոխությունն արվել է արևմուտքի կողմից և Սերժ Սարգսյանի թեթև ձեռքով: Այս հեղափոխության հիմնական նպատակն է հանել ռուսական բազաները այստեղից», -ասաց Ա. Հարությունյանը:
Մանրամասները՝ տեսանյութում:
