Ստամբուլում ընթացող միջազգային մրցաշարում 91 կգ քաշային կարգում հանդես եկող հայ բռնցքամարտիկ Նարեկ Մանասյանը եզրափակիչ մենամարտում հաղթել է անգլիացի մրցակցին ու ոսկե մեդալ նվաճել:
Այս մասին հայտնում է Հայաստանի բռնցքամարտի ֆեդերացիայի մամուլի քարտուղարությունը:
Այսպիսով, Հայաստանի հավաքականը հայրենիք կվերադառնա 3 մեդալով` 2 ոսկե և մեկ բրոնզե:
Ավելի վաղ ոսկե մեդալ էր նվաճել նաև 52 կգ քաշային Արթուր Հովհաննիսյանը, իսկ 64 կգ քաշային Հովհաննես Բաչկովը, կիսաեզրափակչում պարտություն էր կրել ու նվաճել բրոնզե մեդալ:
Հայ բռնցքամարտիկները Ստամբուլում հանդես են եկել մարզիչ Ռուդիկ Մկրտչյանի գլխավորությամբ:
