Վիետնամի դպրոցներից մեկում տարօրինակ դեպք է գրանցվել: Աշակերտուհիներից մեկի դեմքին պարապմունքի ժամանակ արյունոտ քրտինք է հայտնվել: 11-ամյա աղջկան շտապ տեղափոխել են հիվանդանոց:
Պարզվել է, որ աղջիկը հազվագյուտ՝ հեմադիտրոզ հիվանդություն ունի: Այս հիվանդությամբ տառապում է 10 միլիոն մարդուց ընդամենը մեկը, այդ պատճառով էլ մասնագետները չեն կարողանում գտնել բուժման եղանակը: Հայտնի է միայն այն, որ հեմադիտրոզը չի ազդում կյանքի տևողության վրա, իսկ հիվանդները արյունոտ քրտինքով են պատվում, երբ շատ են հուզվում կամ ենթարկվում են սթրեսի:
