Երեխայի ծննդյան միանվագ գումարը եռապատկվեց․


Երեխայի ծննդյան միանվագ գումարը եռապատկվեց․
Սեպտեմբեր 14 13:20 2018

Կառավարությունն այսօր հաստատեց Աշխատանքի և սոցիալական հարցերի նախարար Մանե Թանդիլյանի ներկայացրած նախագիծը, որով երկրորդ երեխայի ծննդյան միանվագ գումարը եռապատկվեց՝ հիսուն հազար դրամից դառնալով 150 հազար դրամ։ Փոփոխություններ են նախատեսվում նաև մեկից ավելի երեխայի ծննդյան դեպքում միանվագ գումարի չափում։ 

Նախարարը նշեց, որ երկրորդ երեխայի ծնունդը պետության համար ռազմավարական նշանակություն ունի։

Մ. Թանդիլյանը հիշեցրեց, որ նախորդ նիստին քննարկման ժամանակ առաջարկ հնչեց, որպեսզի մեկից ավելի երեխայի ծննդյան դեպքում այլ կարգավորումներ լինեն, այդ առաջարկը ներառել են և մեկից ավելի երեխայի ծննդյան դեպքում յուրաքանչյուր երեխայի համար միանվագ չափը կսահմանվի յուրաքանչոյւր երեխայի կարգաթվին համարժեք գումարով։



loading...