«Բարսելոնան» կիսապաշտպան Արտուրո Վիդալին կներկայացնի միայն այն բանից հետո, երբ վերջինս բուժզննում կանցնի:
Սովորաբար ֆուտբոլիստի, որի տրանսֆերի շուրջ համաձայնության մասին հայտարարում է «Բարսան», բուժզննումից մեկ օր առաջ ժամանում է Բարսելոնա, լուսանկարվում է գրասենյակում ակումբային խորհրդանիշներով և հարցազրույց է տալիս ԶԼՄ-ներին:
Վիդալի դեպքում կատալոնացիները փոխել են գործընթացը:
Սպասվում է, որ չիլիացին չի մասնակցի ավանդական ֆոտոսեսիային, այլ սկզբում բուժզննում կանցնի:
«Mundo Deportivo»-ի տեղեկություններով, «Բարսելոնան» ցանկանում է սպասել ֆուտբոլիստի բուժզննման արդյունքներին, և դրանից հետո միայն որոշումներ կայացնել:
Վիդալի բուժզննումը կկայանա վաղն առավոտյան: Եթե ֆուտբոլիստը հաջող բուժզննում անցնի, ապա հենց այդ օրը կկայանա նրա ներկայացումը «Բարսելոնայի» տնային` «Կամպ Նոու» ստադիոնում: