Հուլիսի 18-ից Թուրքիայում դադարել է գործել արտակարգ դրության ռեժիմը, որը մտցվել էր երկրի իշխանությունների կողմից 2016 թվականի հուլիսի 20-ին չհաջողված պետական հեղաշրջումից հետո: Այդ մասին տեղեկացնում է kommersant.ru-ն:
Արտակարգ դրության ռեժիմի կասեցման մասին տեղեկացնելիս Թուրքիայի իշխանությունները ընդգծել են, որ «ահաբեկչության դեմ պայքարը շարունակվելու է և ընդունվելու են համապատասխան օրենքներ»:
Սրա հետ կապված արդեն կառավարությանն է փոխանցվել արտակարգ դրության կասեցմանը հետևող ժամանակահատվածում կիրառվելիք միջոցների ծրագիրը:
Ծրագիրը մասնավորապես ենթադրում է տեղի իշխանություններին լիազորություններ տրամադրել մի շարք քաղաքացիների մուտքը որոշ վայրեր արգելելու համար, եթե կասկածներ են առաջանում, որ այդ անձինք կարող են խախտել հասարակական կարգը:
Բացի այդ մեծացվել է բողոքի ցույցերը արգելելու փաստարկների ցանկը:
