Մշակույթի նախարարությունը Արամ Մանուկյանի արձանի տեղադրման վայրը փոխելու առաջարկություն է ներկայացնելու քաղաքապետարան

Մշակույթի նախարարությունը Արամ Մանուկյանի արձանի տեղադրման վայրը փոխելու առաջարկություն է ներկայացնելու քաղաքապետարան
Հուլիս 17 23:53 2018

ՀՀ մշակույթի նախարարությունը առաջարկություն է ներկայացնելու Երևանի քաղաքապետարան՝ Արամ Մանուկյանի արձանի համար այլընտրանքային վայր ընտրելու համար: Լրագրողների հետ հանդիպմանն այս մասին ասաց ՀՀ մշակույթի նախարար Լիլիթ Մակունցը:

 

«Արձանի տեղադրումը տեղի է ունեցել Մշակույթի նախարարության կարծիքի բացակայության պարագայում: Հավանաբար, իրենք նախապես ենթադրել են, որ նախարարույթունը չի տա դրական արձագանք, դրա համար չեն դիմել: Սակայն հիմա ունենք այն, ինչ ունենք: Մենք առաջարկություն ենք ներկայացնելու Երևանի քաղաքապետարանին՝ արձանի տեղափոխության համար»,-ասաց նախարարը:

Մակունցի կարծիքով՝ արձանի տեղադրման համար այլընտրանքային վայր պետք է ընտրել: Արձանի տեղադրումը նախօրոք չի համաձայնեցվել լիազոր մարմնի՝ ՀՀ մշակույթի նախարարության հետ։

Նախարարը նշեց նաև՝ նախորդ կառավարությունից մեծ ժառանգություն ունեն, որը դժվարեցնում է իրենց գործը:

loading...