Այսօր Շիրակի մարզի Փանիկ գյուղի սկզբնամասում Գյումրու ռուսական ռազմաբազայի զինծառայողները զորավարժանք են անցկացրել, որի հետևանքով ողջ համայնքը սարսափահար է եղել։
Ռուս հրամանատարի խոսքով, դա եղել է հրաման։ Այս մասին գրում են Փանիկ գյուղի բնակիչները սոցիալական ցանցերում և ներկայացնում տեսանյութեր, որոնք վկայում են ռուս զինծառայողների լկտի պահվածքը: Տեսանյութում ռուս զինվորականները պնդում են, որ ուսումնական փամփուշտներով են կրակել, սակայն գյուղացիները չեն հավատում:
