Ավարտվեց Ֆուտբոլի աշխարհի առաջնությունը։ Արդեն հայտնի են առաջնության ամենա-ամենաները։ Չեմպիոնը, ինչպես հայտնի է, Ֆրանսիայի հավաքականն է։ 20 տարվա ընդմիջումից հետո Ֆրանսիայի հավաքականը Դիդյե Դեշամի գլխավորությամբ դարձավ աշխարհի չեմպիոն։
Աշխարհի առաջնության լավագույն ֆուտբոլիստ, սակայն, ճանաչվեց ոչ թե Ֆրանսիայի ներկայացուցիչը, այս երկրորդ տեղը զբաղեցրած հավաքականի՝ Խորվաթիայի խաղացողը՝ Լուկա Մոդրիչը։ Նա, յոթ հանդիպման ընթացքում դարձել է երկու գոլի հեղինակ, գոլային փոխանցումների հեղինակ եւ արժանացել «Ոսկե գնդակ» պարգևին:
«Արծաթե գնդակը» բաժին է հասել Բելգիայի հավաքականի կիսապաշտպան Էդեր Ազարին (6 խաղում՝ 3 գոլ ):
«Բրոնզե գնդակն» էլ հասել է ֆրանսիացի Անտուան Գրիզմանին (4 գոլ 7 խաղում):
Լավագույն երիտասարդ ֆուտբոլիստի մրցանակը հանձնվեց Կիլիան Մբապեին, ով եզրափակչում եւս գեղեցիկ գոի հեղինակ դարձավ։
Մունդիալի լավագույն դարպասապահը Տիբո Կուրտուան է`Բելգիայի հավաքականից։
Եվ վերջապես աշխարհի առաջնության «Ոսկե խաղակոշիկին» արժանացավ Անգլիայի առաջատար Հարի Քեյնը։ Նա 6 գնդակով ճանաչվեց առաջնության լավագույն ռմբարկու։