Խոշոր վթար Կոտայքի մարզում. 56-ամյա վարորդը BMW-ով մխրճվել է երկաթբետոնե ցուցանակի մեջ, հետո հայտնվել ձորում

Խոշոր վթար Կոտայքի մարզում. 56-ամյա վարորդը BMW-ով մխրճվել է երկաթբետոնե ցուցանակի մեջ, հետո հայտնվել ձորում
Հուլիս 11 22:00 2018

Այսօր՝ հուլիսի 11-ին, խոշոր ավտովթար է տեղի ունեցել Կոտայքի մարզում։ Ժամը 15։40-ի սահմաններում Կոտայքի մարզի Արզական գյուղի բնակիչ՝ 56-ամյա Ղազար Աթանիսյանը իր վարած BMW մակնիշի 21 ՍR 112 համարանիշի ավտոմեքենայով Երևան-Սևան ավտոճանապարհի 39-րդ կմ հատվածում՝ Հրազդանի վարչական տարածքում, դեպի Սևան ընթանալիս դուրս է եկել ճանապարհի երթևեկելի գոտուց, բախվել երկաթբետոնե կոնստրուկցիայով տեղադրված «Հրազդան» ցուցանակին և հայտնվել ձորակում՝ բախվելով հաստաբուն ծառին։

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով ավտոմեքենայում հրդեհ է բռնկվել, սակայն այդ պահին նշված հատվածով անցնող մի քաղաքացի իր ավտոմեքենայից դուրս է բերել կրակմարիչը, մարել մեքենայում առաջացած հրդեհը, որից հետո մեքենայի մեջ գտնվող վիրավորներից մեկին դուրս է բերել։ 

Ֆոտոլրագրողը հայտնում է, որ բախման արդյունքում վնասվել է ցուցանակը, այն հիմքից տեղաշարժվել է, իսկ ավտոմեքենան էլ վերածվել է մետաղե ջարդոնի։ Ֆոտոլրագրողի տեղեկություններով՝ հիվանդանոց է տեղափոխվել վարորդի համագյուղացի՝ 50-ամյա Սարո Խլղաթյանը:

Մանրամասները՝ այստեղ: